Pariseko Euskal Etxearen abisua: "Pariseko ihauterian parte hartuko du datorren otsailaren 15an Pariseko Eskual Etxeak. Hauxe da aurtengo gaia: Dragoiak, Zaldunak eta Gazteluzainak. Bada, okasiorako bildu dira gurean hainbat ume handi, eta euskal mitologiako suge-dragoia erraldoia, HERENSUGE, eraikitzen dihardute. Zuek ere parte har dezakezue segizioan, proposatutako gaiaren arabera jantzita. Bestela, Herensuge batetik bestera firin-faran erabiltzera etor zaitezkete gurekin (ez da indarrik behar, inolaz ere!), kasu horretan, urdinez edo berdez janztea gomendatzen dizuegu.
Gambetta plazan elkartuko gara, 13:00etan. 14:00etan abiatzen da desfilea, eta République plazara 18:00etan iritsiko gara. Laster arte, beraz!"
Kontaktua: ihauteria@eskualetxea.com