Rio Gallegos, Argentina. Hegoalde Argentinarra Euskal Etxeak elkarteko lehen urteurrena ospatzeko afaria antolatu du. Ekitaldia 21:00etan hasiko da 'Aurreneko Urteburu Jaialdia' izenpean eta antolatzaileek bazkide eta lagun guztiak gonbidatzen dituzte honakoa edukiko duen afarira: pintxoak, kalimotxoa, garbantzuak, natillak, zinea, musika eta dantza, zozketak eta sorpresa ugari. Partaidetza mugatua da, beraz, Los Vascos Tabernan (Roca eta Santiago del Estero) lehenbailehen izena ematea gomendatzen da.