Abuztuaren 5ean, asteazkena, gala dirubiltzailea antolatu du Asunciongo Euskal Etxeak, hiriko San Pietro jatetxean, minbizia eta leukemia daukaten haurren alde diharduen Asoleu elkarteari laguntzeko.
Menuak euskal erara egindako zenbait plater eskainiko ditu, eta euretako bakoitza ekitaldian kolaboratzaile den Gauchezco ardo mota desberdin batekin uztartuko da. Nahi duenak Mahou garagardoa ere eskatu ahal izango du, hau ere ekitaldiko kolaboratzaile. Tiketak, 250.000 guarani.
Afaldu bitartean zenbait zozketa ere egingo dira, enpresa kolaboratzaileek emaniko produktuak zozketagai.
Lagun bati bidali
Komentarioa gehitu
