euskalkultura.eus

Abenduaren 6an, larunbata, Gabriel Arestiren eta Brecht-en testuen irakurketa eta jendaurretzea, Berlingo Gernika Euskal Etxea antolatzaile. 

"Werkstatt der Kulturen" Wissmannstraße 32,12049 Berlin arratsaldeko 7:00-etan Euskararen eguna dela eta egingo den irakurketara nahi duten guztiak daude gonbidatuta.

Gabriel Arestiren “Harri eta herri”ren publikazioaren 50. urteurrena den honetan bere lana eta eragina aztertuz irakurraldi bat prestatu dute Berlingo euskaldunek.

Euskalema elkartekoek Aresti eta Brechten lanak itzuli zituztela baliatuz, testu horietan oinarritu eta bi autoreek euskal letretan eta musikan izandako oihartzuna aztertu nahi izan dute. Ekitaldiaren ondotik ardo bat hartzera gonbidatuko dituzte bertaratzen direnak, Euskararen Nazioarteko Eguna ospatzen ari baikara aste honetan.

Euskal Etxearen webgunea: http://www.euskaletxea.de