Larunbat honetan, maiatzaren 3an ospatuko du Fresno Basque Club euskal etxeak bere urteroko Basque Festival euskal jaia, Estatu Batuetako euskal jai sasoina abian ipintzen duena. Aurtengoa 37.a du Fresnokoak eta Rancho Vista del Rio-n izango da, estilo euskal-amerikarrik ohikoenean. Euskal musika eta bertako eta San Frantziskoko dantzariak, San Frantziskoko klika, janari eta edariak, meza, kabalkada... goizeko hamaiketatik aurrera (meza).
Gauez, Manuela Etchechuryren euskal banda fresnotarrak ezarriko du dantzatzeko musika.
Igandean, animazioa eta giroa Santa Fe Basque Restaurant-era pasatuko da, bertan ohi bezala egingo den Breakfast gosariarekin. Etzazu galdu!
Lagun bati bidali
Komentarioa gehitu
