New Yorkeko Euskal Etxearen mezua:
Euskal Etxeko bazkide eta lagunak, agur!
Datorren larunbatean, Urriaren 8an, Euskal Etxeak jai bikoitza ospatuko du: Gayaldi + Maritxu Kajoi
Aurtengoa laugarren Gayaldia izango da, aurreko hiru aldietan arrakasta handiz gure Euskal Etxeko aniztasuna ospatu ondoren. Maritxu Kajoi Gipuzkoako Arrasate herrian ospatzen duten festa bat da. Itxura serioa du partehartzaileak dotore janzten direlako (jaka eta soineko beltzez) baina jatorrian Arrasaten dagoen Andre Maria baten inguruko txantxa baten ondorioz sortu zen. Antza denez Andre Maria hau kutxa batean barruan erakusten dute (hortik datorkio "kajoi" izena), iturri baten aldamenean dagoen baseliza batean (iturri honek ematen dio "Maritxu" izena, "Maritxu nora zoaz, eder galant hori?" abesti zahar ezaguneko Maritxu honek ematen duen erantzunagatik; "Iturrira Bartolo, nahi badezu etorri").
Gayaldia eta Maritxu Kajoi gurekin batean ospatzera gonbidatzen zaitugu. Taberna zabalik izango da eta pintxoak salgai izango dira.
Lekua: 307 Eckford Street, Greenpoint, NY (Metro irteera: Greenpoint, Linea Berdean)
Ordua: 20h00
Aholkatutako Janzkera: Kolore beltzeko edozer janzki dotore.
Zatozte Euskal Etxera!
Lagun bati bidali
Komentarioa gehitu
