Bere sorreraren 20. urteurrena ari da ospatzen Viedma eta Carmen de Patagonesko Aberri Etxea Euskal Etxea eta egitarauaren barruan kokatzen da azaroaren 21eko (astelehena) inaugurazioa.
"Euskaldunen historia Viedma aldean" izeneko argazki erakusketa Euskal Etxearen egoitzan zabalduko da, 1919etik gaur egunerainoko argazki eta irudiak bilduz. 19:30etik 21:30etarako ordutegia izango du.
Inaugurazioa, elkarteko lehendakari Raul Goicoecheak egingo du eta parte hartuko du etxeko "Abestu Beti" abesbatzak, Fabian Alberdi zuzendari.