Ekainaren 1etik hasita 22ra bitartean, Euskal Zinema Zikloa garatuko du San Martin de los Andesko Euskal Txoko Euskal Etxeak (Neuquen probintzian), Centro Cultural Cotesma-ko Günther Blaas aretoan, beti asteazkenetan, 20:30etan. Euskadiren Argentina-Mercosurrerako Ordezkaritza laguntzaile. Emanaldi bakoitzaren ondotik pintxo-pote bat egingo da.
Hona hilabete osoko egitaraua:
-Ekainaren 1ean, asteazkena, 20:30etan: "Aupa Etxebeste!
-Ekainaren 8an, asteazkena, 20:30etan: "Una esvástica sobre el Bidasoa"
-Ekainaren 15ean, asteazkena, 20:30etan: "Tasio"
-Ekainaren 22an, asteazkena, 20:30etan: "Ander eta Yul"
Larunbatean, ekainaren 25ean, azken emanaldi bat eskainiko da, ordu berean, Carlos Gabilondok aurkeztua, "Amama" filma emanez. Emanaldi honek bat egingo du Euskal Etxearen bigarren urteurren afariarekin eta "Argentinako Patagoniar Euskal Etxeen Lehenengo Topaketa"ren amaiera-ekitaldiarekin. Jardunaldi hauek ekainaren 23tik 25era garatuko dira San Martin de los Andesen, bertako euskal etxea antolatzaile.
Lagun bati bidali
Komentarioa gehitu
