Irailaren 19an eta 20an, komunitate osoari irekiko dizkio ateak Rosarioko Euskal Etxeak Kolektibitateen Gaua ospatzeko. Udaletxearen babesa duen ekitaldi honetan, hiriko hainbat gizataldetako elkarteek janari tipikoak prestatuko dituzte jendeak dasta ditzan. Euskal etxean pintxoak, tortila, txipiroiak tintan eta euskal gozoak eskainiko zaizkie bisitariei.
Janari salmenta iluntzeko 8etan hasiko da, euskal etxearen egoitzan (Entre Rios 261).