Eusko Jaurlaritzaren Buenos Airesko Ordezkaritzak ohar baten bidez jakinarazi duenez, Argentina, Brasil, Paraguai eta Uruguairako Eusko Jaurlaritzako Ordezkaria den Elvira Kortajarenak, eskualdeko euskal etxeak bisitatzeko egitasmoaren barruan Santa Cruz probintziako hiriburua Rio Gallegos bisitatuko du gaur asteazkena, maiatzaren 5ean.
Patagoniako hirira egingo duen bisitan, Ordezkariak, Daniel Peralta gobernadoreakin hartu emana izango du. Horrez gain, probintziako Legebiltzarrean Hernan Martinez Crespo gobernadoreordeak harrera egingo dio eta Hector Roquel alkatearekin Udaletxean bilduko da.
Arratsaldean, “Hegoalde Argentinarra” euskal etxe santacruztarrak Emakume eta Giza Eskubideen Idazkaritzekin izenpetuko dituen hitzarmen ekitaldietara bertaratuko da. Ekitaldiek prentsa hedabideen jarraipena izango dute.
Lagun bati bidali
Komentarioa gehitu
