Astearte honetan, 18:30etan solas egingo da "Nafar izateaz: zer den nafar izatea eta nafar sentitzea" gaiaz, Juan de Garay Euskal Argentinar Fundazioak antolatutako ekitaldian, bere egoitzan (Roque Sáenz Peña 846, CABA).
Jorge Beramendik sarrera bat egingo du eta ondoren ETBk, Iñaki Lopezek aurkeztuta, Nafarroan zehar galdera hori eginez, zer da nafarra izatea, egindako erreportajea erakutsiko da. Elkarrizketatuen artean, del Burgo historialaria eta egun Nafarroako gobernuburu den Uxue Barkos, orduan diputatu Madrilen. Bideoa 60 minutukoa da.
Segidan, 20:00etan ohiko zintzur bustitzea eta 21:00etan, afaria Iparraldeko Euskal Etxea-Centro Vasco Francéseko jatetxean.