Cañuelaseko Euskal Etxeak urtero Aberri Eguna ospatzeko antolatzen duen Dantzarien Elkarretaratzearen seigarren edizioa ospatuko dute larunbat honetan, apirilaren 14a.
Goizean hasiko dira biltzen neska-mutilak Smata-ko instalazioetan eta bazkaldu ondoren, arratsaldeko 17:00ak aldera euskal etxera abiatuko dira 18:30etan kalejirarekin hasteko. Dantza eginez eta abestuz helduko dira San Martin Plazara eta bertan prest egongo den oholtza gainean izango da dantzarien emanaldia. Ikuskizuna bukatzean, erromeria ospatuko da bertatik hurbil den euskal etxeko egoitzan.
Vaucherren prezioari dagokionez --larunbateko bazkari eta erromeria, ostatua, eta igandeko gosari eta bazkaria-- aurten 230 pesokoa izango da dantzari eta taldeetako zuzendarientzat (gehienez bi zuzendari) eta 250 pesokoa laguntzaileentzat.
-Informazio gehiagorako edo izena emateko, helbide hauetako batera idatzi: margaita18@yahoo.com.ar edp vetcanuelas@yahoo.com.ar
Lagun bati bidali
Komentarioa gehitu
