‘Eusko Aterpea’ Euskal Etxeak 10. urteurrena ospatzen du gaur, azaroak 15 igandea, Mitre 370-ko bere egoitzan. Eguerdiko hamabi t’erdietan, ospakizunean parte hartu nahi izan dutenen artean bazkari bat egingo da. Txorizoa entsalada errusiarrarekin, errekiak eta hiru zaporeetako helatuek osatzen dute menua, brindisean hartuko den opila eta sagardoarekin batera. Bazkarian, gainera, Euskal Etxeko dantza talde berria aurkeztuko dute.
13 urte baino gehiagokoek 50$ ordaindu beharko dituzte bazkarian parte hartzeko eta 13tik eta 6 urtera bitartekoek 25$. Sarreraren zenbakiarekin, hainbat zozketetan parte hartzeko aukera izango da. Erreserba asteazkena baino lehen egitea eta bazkarirako bakoitzak bere mahai-tresnak ekartzea eskatzen dute Euskal Etxetik, posible bada.
Lagun bati bidali
Komentarioa gehitu
