Euskal literatura Katalunian ezagutarazteko, Irakurle Kluba abian ipiniko du Bartzelonako Euskal Etxeak. Irakurleak hilabetean behin bilduko dira ordu pare batez, iluntzeko 19etatik 21etara, euskal liburu bati buruz hitz egiteko. Liburuak euskaraz sorturiko literatur lanak izango dira, baina euskaraz ez dakitenek ere parte hartzeko aukera izan dezaten, jatorrizkoak ez ezik itzulpenak ere berdin-berdin erabiliko dituzte. Aritz Galarraga, UABko irakasleak gidatuko ditu saioak. Parte hartzeko, Euskal Etxean izena eman behar izango da eta 15 euroko matrikula ordaindu bazkide ez direnek; bazkideentzat dohainik da.
Lagun bati bidali
Komentarioa gehitu
