Otsailaren 7an, larunbata, despedida afaria egingo zaie Jon Cerezal, Amaiur Olaskoaga eta euren seme Luken-i New Yorketik Hondarribirako bidea hartuko dutelako, hirian sei urte eman eta gero. Hitzordua, 13:00etan; bazkaria (potluck) 14:30ak aldera, Euzko Etxearen egoitzan.
Hona deia dela-eta Euzko Etxeko lehendakari Iban Ubarretxenak euskaraz zabaldutako oharra:
NYeko Euskal Etxeko bazkide eta lagunak, agur!
Honez gero ondo jakingo duzuen moduan, Jon Cerezal, Amaiur Olaskoaga eta Luken Cerezal Olaskoaga badoaz New Yorketik Hondarribira otsailean. Sei urte eman dituzte hirian, eta gutako askorekin momentu ugari bizi ostean, horietako makina bat Euskal Etxean bertan, “laister arte” esatera elkartuko gara.
Hauxe da proposamena: otsailaren 7an, larunbatean, Euskal Etxera inguratu nahi duen guztiak ekar dezala bere gustuko plater edo jakiren bat. Ekarritako guztia bilduko garenon artean jango dugu.
Eguerdiko 1etan taberna zabalduko dugu. Eta 2.30ak inguruan, ekarritakoarekin bazkaria egingo dugu.
Etorri behar duzuenok, mesedez, bidali email bat Gari Udaberi helbide honetara: gariudabe@hotmail.com otsailaren 4a baino lehen, eta esaiguzue zer jaki ekarriko duzuen (denok gauza bera ez ekartzea saihestu nahi dugu). Mila esker.