euskalkultura.eus

Asteburuan zehar hainbat ekitaldi antolatu dira La Merce jaietarako Euskal Etxeak antolatu duen gunean (av. Meridiana, Aragó eta Consell de Cent artean). Ostiralean hasi ziren ekitaldiekin eta gaur larunbata, egitarau zabala dago antolatuta. Ostiralean zabaldu zuten Artisautza eta Gastronomia Azoka gaur ere irekita egongo da goizeko 11etatik aurrera eta trikitilari, txalaparta eta txistularien musika izango da. Eguerdian, haurrentzako antzerkia antolatu da, 'Mitja Taronja' izeneko ikuskizuna. Lan honek txotxongiloak, dantza, literatura eta marrazkiak nahasten ditu, jolasteko ilusioa berreskuratzea proposatuz. Honen ondoren, pintxo dastatzeko aukera egongo da Euskal Etxearen txosnan. Sabela berotzeko parada izan ostean herri kirolen erakustaldia izango da. Arratsaldean haurrentzako tailerrak, txalaparta ikastaroak eta Irurtzungo joaldunekin kalejira egingo dute. Gauean Pakearen aldeko Kontzertuaren edizio berri bat egingo da, Kerobia, Root Diamonds, Trikizio eta Dr. Calypso taldeekin.