euskalkultura.eus

Hona New Yorkeko Eusko Etxeak bidalitako gonbitea:

Euskal Etxeko bazkide eta lagunak, agur!

Eusko Etxeak AMAMA euskal filma ikustera gonbidatzen zaituzte datorren larunbatean urriaren 15an arratsaldeko 7:30etan.

Asier Altunak zuzendurik AMAMA filmak baserrien garai bateko mundua irudikatzen du, geure begien aurrean desagertzen ari diren bizitzeko modua, jakintza eta balioak. Baserria sendia da, eta mende luzez oinordetzan jasotako jakintzan ditu sustraiak. Familian bi munduk talka egiten dute, eta bertan eteten da gurasoen eta seme-alaben arteko lokarria.

AMAMA 2015eko Donostiako Zinemaldian arrakasta haundia izan zuen. Zorionez Asier Altuna zuzendaria ere gurekin izango dugu larunbatean.

7etatik aurrera taberna irekia egongo da eta 7:30etan filma erakutsiko dugu. Ondoren Pizza jateko aukera izango dugu tabernak irekita jarraitzen duelarik.

Erreserbak egiteko, mesedez mezua bidaliozue Leyre Areizagari (mendilam@gmail.com) edo Iban Ubarretxenari (iban.ubarretxena@gmail.com).

Ongi izan,

Iban Ubarretxena
NYEEko presidentea

Euzko-Etxea of New York
307 Eckford Street
Brooklyn, NY 11222
Email: nyeuzkoetxea2013@gmail.com
www.newyorkbasqueclub.com