Gaur ostirala, 2010eko apirilaren 9an, euskal festa polita egingo da Buenos Airesko 'Mexico 1880' helbidean dagoen euskal egoitzan. Bat egingo dute Eusketxeren dantza tailerreko lehenengo klaseak (Aiara Dantza Taldea arituko da hor partaide) eta Arabatik etorririk egun batzuk Argentinan eman dituan Aiara Dantza Taldeari merezi duen despedida egingo zaio, iluntzeko 9:30etatik aurrera. Giroa segurtatua dago.
Osagai gehiago ere izango da: zuzeneko euskal musika eta erromeria.
Txartelak 30 pedo balioko du eta horren truke afaria ere zerbitzatuko da: haragi-bolak arrozarekin (irisarekin), bi edari, zenbait tarta eta kafea.
Mesedez eskatzen zaie etortzeko asmoa dutenei lehen bait lehen adieraz dezaten, bestela ezinbestekoa baita kalkulu egokiak egitea. Horretarako, idatzi mailto:euskaltzaleak@yahoo.com.ar edo mailto:eusketxe@ciudad.com.ar helbideetara; edo deitu telefonoz, 4381-4611 zenbakira.
--------------------------
Lagun bati bidali
Komentarioa gehitu
