Larunbat eta igandez, apirilaren 11 eta 12an, hamar bat euskal etxetako dantza talde eta ordezkariak batuko dira Cañuelasen, bertako Denak Bat euskal etxeak urtero egin ohi duen deialdiari erantzunez. Asteburua pasatuko dutenez, antolakuntzak Smatako zentruko logelak eskaini eta prestatu ditu espero diren 150 bat pertsonentzat.
Larunbatean harrera egongo zaie urrutitik ere heldu diren ordezkaritzei euskal etxearen egoitzan eta ondoren Smatako hotelera pasatuko dira. Arratsaldez kalejira egingo da Cañuelasko erdigunetik, donostiar estiloko danborradarekin, ondoren San Martin Plazan ipinitako oholtzan euskal dantza emanaldia gauzatzeko, herritar guztiei zuzendua. Eguna erromeria batekin amaituko da.
Larunbateko programako oparte izango da baita ere 13:30etan Mikel Ezkerrok Euskal Herriaren historiaz eskainiko duen hitzaldia.
Programak igandean segituko du.