euskalkultura.eus

Noticias

Literatur Emailuak, posta elektroniko bidezko asteroko literatura berri sorta, jadanik blog gisa irakurgai

18/09/2006

2002az geroztik euskal literatur munduak eman dituen albisteak eta nobedadeak astero-astero e-mail bidez bidali izan dituzte Susa argitaletxeak eta Armiarma literatur sareak, doako Literatur Emailuak zerbitzuaren bidez. Honakoan Emailuak blog bihurtuta datoz, tarte berrian orainarte bidalitako mezu edo albiste sorta guztiak irakurgai daudelarik. Bloga astero berritzen da, eta euskal literaturzaleek aurkitu ahal izango dituzte, besteak beste, literaturarekin zerikusia daukaten efemerideak, liburuen kritikak eta sarean osorik irakur daitezkeen liburu digital andana , RSS zerbitzua eta guzti.

Euskal literaturan gertatzen diren albiste, argitalpen eta ekitaldien informazioa eskuratu ahal izateko webgune berria jarri dute abian Susa argitaletxeak eta Armiarma literatur sareak hil honetan bertan. Literatur Emailuak da bere izena eta oinarria 2002ko urtarrilaz geroztik astero e-mail bidez igortzen den izen bereko doako informazio zerbitzua du. Orain Emailak blog bihurtu dira, eta e-mail bidalketen erritmoari jarraituz, astero-astero material berria igoko dute arduradunek webgunera.

Emailuen blogak orain arte egindako bidalketa guztiak bildu eta aurreko sail guztiak mantentzen ditu: literaturaren inguruko albisteak, argitalpenen berri, efemerideen gaineko loturak eta literatur ekimen ezberdinen agenda, besteak beste. Blogean gainera, Susa-literatura.com eta Armiarma.com guneetako informazio gehiago dauka eskura irakurleak, hala nola kritiken hemeroteka, nazioarteko efemerideak…


Lotura interesgarriak

Literatur Emailuen Bloga
www.armiarma.com/emailuok

Armiarma.com
Literaturaren sarea

---

---

Las más leídas

• 24/10/2025
  Consulta el programa de la Semana Nacional Vasca Argentina 2025, del 26 de octubre al 2 de noviembre en Tandil
• 23/10/2025
  De Chacabuco a Euskal Herria: feliz regreso del séptimo grupo de viajeros, un éxito que suma historias y prestigio
• 22/10/2025
  Avanza el proyecto cinematográfico sobre 'El Vasco de la Carretilla', con dos films y un tributo a Larregui en Navarra
• 21/10/2025
  Mikel Deuna: Denak Bat de Mar del Plata y Laurak Bat de Buenos Aires celebraron al patrono con danzas y homenajes
• 23/10/2025
  El teatro vasco en el Festival de Teatro Hispanosalvadoreño con "Ni un día más (Las sirgueras)", de Arantxa Iurre

Últimos comentarios