Iragan azaroaren 12an egun berezia izan zuen Venezuelako euskal komunitateak, Aragua Bailarako Euskaldunen Monolitoaren inaugurazioarekin. Monolitoan omenaldia egiten die 1768an bailaran belar-urdina edo "añil" izeneko kolorantea landatzea erabaki zuten euskaldunei, inguruotako historian industria oso garrantzitsua izan zelako. Ekitaldi honekin Venezuelako Euskal Etxeen Federazioak abian jarri du "Euskaldunen Bidea" izeneko egitasmoa, Venezuelako euskal historia argitara ekartzeko asmoz. Aurki, bideoa Jazoera Tv kanalean.
Caracas, Venezuela. Euskaldunen Monolitoa inauguratu en iragan azaroaren 12an Aragua Bailaran, bertako historiara ekarpena egin zuten euskaldunen omenez. Monolitoak gogora dakar 1768 urtean euskaldun talde batek jarri zuela abian bertan belar-urdin edo "añil" delako kolorantearen ereinketa eta industria, eta horri esker Aragua Bailaran aberastasun garaia bizi izan zuela.
Ekitaldian Carabobo eta Caracaseko euskal etxeetako euskaldunek parte hartu zuten. Kanpotik etorritako lagunek turismo pixka bat egiteko aukera izan zuten eta gero taldeak bazkari ederra egin zuen.
Inaugurazio honekin abiatu du Venezuelako Euskal Etxeen Federazioak "Euskaldunen Bidea" izeneko ekimena. Helburua euskaldunek aztarna historiko nabarmena utzi duten lekuetara bidaia egin eta omenaldiak egitea da. Odon Ulibarrena da proiektu honen sustatzailea eta berak ikertu ditu bideak bisitatutko dituen euskaldunen aztarnak.
Jarraian, ekitaldiaren argazki galeria eta aurki, bideoa Jazoera TV katean. JazoeraTV-ren bideoak ikusteko, jo hona.
Lagun bati bidali
Komentarioa gehitu
