euskal diaspora eta kultura
2014/12/11
HIru euskara eta euskal kultura irakurle hautatzeko deialdia egin du Etxepare Euskal Institutuak, eta urtarrilaren 4a arte irekita dago hautagaitzak aurkezteko epea. Irakurle bat Txilen arituko da irakasle, lau unibertsitatetan klaseak emanez (Universidad de Chile, Pontificia Universidad Católica de Chile, Universidad de Valparaíso eta Pontificia Universidad Católica de Valparaíso); bigarrena, AEBetan, Chicagoko Unibertsitatean; eta hirugarrena, Japonian, Tokyo University of Foreign Studies (TUFS) delakoan.
2014/12/11
Munduan zehar sakabanatuta dauden euskaldun eta euskaltzaleek ekitaldi anitzetan hartu dute parte joan den abenduaren 3aren inguruan Euskararen Nazioarteko Eguna ospatzeko. Argentinako euskal etxeek bat egin dute Diaspora osoko proposamenekin eta proposamen ugari luzatu zituzten. EuskalKultura.com-eko gaurko artikulu honetan, ENEko jaien lehenengo argazki galeria.
2014/12/11
Renon Nevadako Unibertsitateko Center for Basque Studies (CBS) edo Euskal Ikasketen Zentroa bisitatzen duen edonorentzat eta baita bertan lanean diren irakasle eta ikertzaileentzat gure gaurko solaskidea da instituzioaren eta CBSren irudia, eta zernahi galdetu edo eskatzeko pertsona. Beti da lagungarri eta berari esker bideratzen eta lotzen da bertako eguneroko martxa. Hamazazpi urte da Kate Camino ari dela lanean Nevadako Unibertsitatearentzat eta bera da CBSko bulegoko koordinatzailea.
2014/12/11
Hilario Olazaran Txileko Dantza eta Txistu Taldeak ekitaldi berezia egingo du bihar Santiagoko San Frantzisko elizan, omenaldi gisa herrialdeak santu-aldarrikatze bidean izan duen eta bertan debozio asko biltzen duen Fray Pedro Bardeciren hilobiaren aurrean. Hor estreinatuko da bihar Txilen Uruñuelaren Andante bariazioekin, txistu, biolin, biola eta biolontxeloarentzat, eta Olaran Taldeak ikurriña emango dio dohaitzan San Frantzisko elizari.
2014/12/10
Madrilgo Universidad Complutenseko Filologia Fakultateko Euskara Sailak antolaturik eta Etxepare Euskal Institutuak sustaturik, “Penintsula Iberiarreko hizkuntza aniztasuna” jardunaldiek bat egin zuten abenduaren 4an Euskararen Nazioarteko Eguna ospatzearekin. Aurtengo edizioan poesia txekiarra izan da gonbidatua, eta hainbat olerki irakurri ziren Penintsula Iberiarreko hizkuntzetan
2014/12/10
Colectividad Vasca de Concordia euskal etxeak antolaturik, Buenos Airesko Laurak Bat-eko Pablo Ubiernak eta Chascomusko Zingirako Euskaldunak-eko Sebastian Errecart-ek koordinatu zuten ekitaldia. Eskolak hiriko Progreso klubeko trinketean funtzionatuko du, euskal etxeko lehendakariordea den Patxi Etchevers Rosas arduradun.
2014/12/09
Atzo goizean hil zen Buenos Airesen Michel Iriart, bere bizitza osoan Buenos Airesko Iparraldeko Euskal Etxea edo Centro Vasco Frances delakoari lotutako pertsona, etxe horretako lehendakari eta buruzagi izana, 2009etik aurrera baita ohorezko bazkide ere, CVFko 'goardia zahar'eko kidea. Hiriburu argentinarrean sortua, bere izen bereko kazetari baxenabartarraren seme zen. 94 urte zeuzkan.
2014/12/09
Hala egin zuten joan den azaroan ere. AEBetako hiri jendetsuenen zerrendan laugarrena ageri den Houston (Texas), medikuntza, gasa eta petrolioaren inguruan sortutako lan eskaintzengatik omen doa handitzen, esan dio EuskalKultura.com-i bertan bizi den Iñigo Iraola hernaniarrak. Emigrazio berri horretako parte da bera, telekomunikazio ingeniaria. “Hamar-hamabost bat euskaldun ezagutzen ditut hemen, nire moduan ikastera edo lanera etorritakoak eta tarteka gustatzen zaigu elkartzea", aipatu dio.
2014/12/09
Euskal gaiei buruzko jardunaldi akademikoak egin berri dituzte Limako San Martin Porres unibertsitatean, Euskal Herriko hiru unibertsitatetako hamalau adituen parte hartzearekin. EHUtik. Deustuko Unibertsitatetik eta Nafarroako Unibertsitatetik etorritako ikerlarien aurrean bi liburu aurkeztu ziren: bat, Ezkiogari buruz; eta bestea, Martin Elorza gotzainari buruzkoa. Horrez gain, martxoan Josu Legarretak Francisco Igartua euskal peruarrari buruz idatzi duen lana plazaratuko da.
2014/12/08
Egitarau eta azalpen orriak ere euskaraz eta gaztelaniaz argitara eman dituen zinemaldi honek gaur arratsaldean abiatuko ditu saioak, Ipar Ameriketako euskal diaspora hizpide hartzen duen Amerikanuak (Nacho Reig, 2010) dokumentalarekin hain zuzen, Uruguaiko Cinematecaren aretoetan Montevideon, hiriburu uruguaitarreko Aldaxka euskal taldea sustatzaile. Gaur abenduaren 8tik hasita eta hilaren 14raino, izenburu berri bat eskainiko du egunero.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
