euskal diaspora eta kultura
2014/11/19
Ilinois estatuko Urbana-Champaign Unibertsitatean da gaur Harkaitz Cano idazle lasartearra, bertan literatura eta arteari buruzko hitzaldi bat emateko. Estatu Batuetan bira egiten ari da sortzailea, Etxepare Euskal Institutuaren sostenguarekin. Bihar. Illinoisen jarraituz, Chicagoko Unibertsitean izango da eta igandean amaituko du bira, Miamiko Nazioarteko Liburu Azokan egingo dituen bi solasaldiekin.
2014/11/19
Jaia euskal etxearen egoitzako areto klimatizatu berrian egin zen eta menua, berriz, etxeko sukaldariek prestatutako 150 lagunentzako paella. Euskal abestiak eta dantzak ere gailendu ziren urtebetetzeko jaian Errekatarrak abesbatza eta Roldan herriko Euskel Biotza euskal etxeko dantza taldea lagun.
2014/11/19
Urtetan --orain bete dituen 75etan-- izan da eta segitzen du izaten euskaldunen eta euskal kulturaren enbaxadari Txilen urtean zehar egiten diren hainbat kultura ekitaldi euskaldun eta ez euskaldunetan. Gizonezko ahotsek osatzen dute eta gaur egun ez du apenas Euskal Herrian jaiotakorik, euskal jatorriko txiletarrak baizik eta euskal musika eta kulturazale diren lagunak, Patricio Aburto zuzendari. Datozen lerroak Santiakoko 'Berriketari' euskal albistegiaren azkeneko aletik laburbildu ditugu.
2014/11/18
HABEren Euskara Munduan programak antolatuta, Europako euskal etxeetako euskara irakasleek bilkura egin zuten urriaren 17 eta 18an Berlinen. Hirugarren bilkura izan zen hau eta, aurrekoetan bezala, irakasleek oso gustura hartu zuten batu eta esperientziak eta ideiak trukatzeko aukera. Berlingo Gernika Kulturunf. Euskal Etxeak ostatatu zuen eta bertara Europako euskal etxe gehienetako irakasleak hurbildu ziren; Madril, Bartzelona, Valentzia, Mallorka, Valladolid, Bordele, Paris, Erroma, Londres, Brusela eta Berlinekoak, hain zuzen ere. Guztira 22 irakasle aritu ziren lanean.
2014/11/18
Chascomuseko Zingirako Euskaldunak euskal etxeak antolaturik, 13 eta 16 urte arteko neska-mutilei dago zuzenduta gonbitea. 2015eko Udalekua urtarrilaren 5ean hasiko da eta ia astebetez, euskal kulturarekin lotura duten hainbat ekintzetan hartuko dute parte gaztetxoek. Izena emateko epea abenduaren 13an bukatuko da.
2014/11/17
Ohikoa den legez, ekintza jendetsuenetakoa izan zen aurtengo Euskal Astean ere igandeko ‘Oturuntza’. Haurren Errepublika delako parkean eta udaberriko eguzkipe eder batean, ondo baliatu zuten bildutako ordezkaritzek azken dantzak ikusi eta ‘hurrengora arte’ agurtzeko. Bazkariaren baitan Euskara Lehiaketen sariak banatu ziren. Hauxe 2014ko Euskal Aste Nazionaleko irudiekin osatu dugun azken argazki-sorta.
2014/11/17
Badakigu Diasporako euskaldunen artean Euskal Herrira bidaiatzea irrika etengabea dela, eta zenbaitek amets hori betetzea lortzen dutela. Nazioarteko turisten artean ere, gero eta gehiagok begiratzen dute geurera, ezagutzea eta gozatzea merezi duen lurra dela konbentzituta. Haientzako zein hauentzako, aurkikuntza ederra izango da 'Basque Country Magazine' aldizkari digital berria. Tablet eta smartphonentzako garatutako tresna honek Euskadira bidaia prestatzen ari direnentzako informazioa eskaintzen du --erreportajeak, argazkiak, helbideak... --era erakargarri eta jostagarrian. Euskal Herrira etortzekoa bazara, edo etorriko zarela amets egiten baduzu, baduzu zer ikusi!
2014/11/14
Euzko Etxearen 70. urteurrenaren baitan ospatutako Euskal Astearen kronikaren bukaerara iristen ari gara eta horrekin batera jaiaren EuskalKulkutura.com-eko irudi bilduma ere badoa osatuz. Atzoko kronikari jarraituz, hona dantzaldiaren bigarren zatia.
2014/11/14
Iñigo Asensio zuzendaria munduan zehar ibili da, Euskal Herritik urrun bizi diren euskal hiztunak elkarrizketatzen "Euskara Munduan" dokumentalerako. Egunero euskararik hitz egin ezin duten euskaldunek hizkuntzarekin duten harremana aztertzea zen Asensioren helburua. “Gure hizkuntza zein sakon dagoen ikusi ahal izan dut, euskarak nola konektatzen gaituen nortasunarekin, jatorriarekin", esan digu. Etiopiatik Guatemalara, dozena bat testigantza bildu ditu. Datorren abenduaren 3an estrenatuko da dokumentala ETBn, Euskararen Nazioarteko Egunaren karira. Guk trailerra ikusi dugu eta dokumentala ikusteko irrikaz gaude!
2014/11/14
Apirila inguruan, emaila igorri zien Neena Laxalt-ek 35 kontaktuei, afari baten inguruan batzeko. Denek eman zuten baiezkoa. Berba egin zuten, jakiez eta edariez gozatu eta ederto batean igaro zuten arrasti-gaua. Esperientziarekin pozarren, beste bilera bat egitea erabaki zuten eta Florence Larraneta Frayek hartu zuen antolatzearen ardura. Irailaren 21erako deitu zuen hurrengo ‘batzarra’ eta hau ere erabat arrakastatsua izan zen. “Gonbidatutako denak agertu ziren, lekuz larri ibili ginen”, esan dio EuskalKultura.com-i. Abenduaren 13an bilduko dira berriz ere emakumeak, Renoko (Nevada, AEB) Louis Basque Corner jatetxean, eta 75 lagun batzea espero dute. “Emakumeentzat gauza garrantzitsua delako hasi da hau hazten”.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
