euskal diaspora eta kultura
2016/02/15
Katalogoa bi kategoriatan dago banatuta, Filmak; eta Dokumental eta Erreportajeak. Materiala euskal etxeei eskaintzen zaie, eta eskuratzeko eskaera formal bat egin behar du erakundeak, zein pelikula edo dokumentala eskuratu nahi duen eta noiz proiektatuko duen adieraziz. Katalogoak Euskadiren Argentina-Mercosur-erako Ordezkaritzak sortu du, ETB eta Canal Vascoren laguntzarekin.
2016/02/15
Christian Etxeberria Txileko Santiagon bizi da, radiologoa da eta euskara ikasle eta irakasle dabil hiriko Euzko Etxean. Elisabet Etchegaray, aldiz, argentinarra da eta Azuleko Euskal Etxeko euskara irakaslea da. Biek ala biek, euskal etxean ikasi dute euskaraz, Euskal Herrian oinik jarri gabe. Astero astero, MIntzanet plataformaren bidez Skype bidez euskaraz praktikatzen dute. "Niretzat hautsita zegoen kate bat lotzea da", dio Elisabet-ek.
2016/02/15
Elkoko aurtengo Euskal Jaietara hurbilduko direnek festen programa ere etxera eraman nahiko dute, urtero bezala. baina euskal etxe antolatzailea aldaketak ari da prestatzen eta bilduma egiteko moduko aldizkaria bihurtu nahi du, euskal familien argazki, informazio eta historiak bertara bilduz. Cassandra Torrealday da proiektuko arduraduna eta, EuskalKultura.com-i esan dionez, jendeak gozatu eta bertako euskaldunez gehiago jakiteko modua da, Klubak bide batez diru pixka bat biltzen duen bitartean.
2016/02/12
Eusko Jaurlaritzako Hizkuntza Politika Sailburuordetzak prentsaurrea eskaini zuen atzo Donostian euskara-alemana / alemana-euskara hiztegiaren sareko bertsioa aurkezteko, beste hiztegi orokor batekin batera --Elhuyar hiztegiaren online bertsio eguneratua-- eta terminologia beste sei hiztegi, Euskararen Aholku Batzordearen Terminologia Batzordeak onarturik. Gida bat ere aurkeztu zen, 'Hizketa-ereduak', euskal etxeetan euskara ikasten ari direnentzat bereziki interesgarria izan daitekeena (ikus estekak).
2016/02/12
Etxepare Euskal Institutuak eta Boise State University-k abian jarriko dute abuztuan Eloise Garmendia Bieter katedra berria eta euskara eta euskal kultura irakasle baten bila dabiltza. Hautagaitzak aurkezteko epea astelehenean itxiko da, bizkor ibili beraz! Bestalde, euskal ikasleei zuzendutako beka ezberdinak ere eskaintzen dituzte BSUn.
2016/02/12
Aktibitatea martxoaren 12 eta 13an egingo da, Mar del Platako Denak-en, eta euskal etxe bakoitzak bi ordezkari bidal ditzake, erakundearen izenean elkartearen hausnarketak aurkezteko. Gonbite honekin batera, 2016ko egitaraua antolatzeko, partaidetza eta engaiamendua eskatzen dizkie Federazioak herrialdeko euskal etxeei.
2016/02/11
Miamiko Euskal Etxearen lehendabiziko Herri Kirol Jaialdiak irudi ikusgarriak utzi zizkigun iragan igandean: aizkolariak, harri jasotzaileak, sokatira eta txinga eramatea palmondo artean, hondartza tropikal batean. Festan Miamiko euskaldunez gain, New England eta San Frantziskoko kirolariek ere parte hartu zuten. Jarraian, argazki galeria eder bat.
2016/02/11
Beste albiste batean aipatzen dugun legez, ospatu berria du joan den igandean Miamiko Euskal Etxeak bere I. Herri Kirol Jaialdia. Aitzaki horrekin Boni Guenetxearengana hurbildu gara. Jai-alai pilotari ohia da bera, erreferentea Floridako euskal munduan, duela 30 urte Paella Party catering enpresa sortu zuen eta Miamiko Euskal Etxearen sorreran ere eragile izan zen. Bera aritu zen igandean ekitaldiko koordinatzaile. Barnean darama pilotazaletasuna eta hein handi batean bere ahaleginari esker bizi da gaur egun Euskal Etxea Miamin .
2016/02/11
Hitzordua datorren otsailaren 20an izango da Patagonia argentinarreko Neuquen probintzian eta gonbitea bertako hiriburuan eta inguruan euskal sustraiak dituen jendeari. baina batez ere euskal etxeko lagun eta bultzatzaile izan nahi duen edozein pertsonari dago zuzenduta. Lehenengo bilera honetan bildutakoek nondik norakoak, zer nolako erakundea nahi duten adostuko dute. Behin norabidea hartuta, aurkezpen jairako deia egingo dute, martxoaren 26an.
2016/02/10
Iragan igandean Mikel P. Ansa idazleak "Su zelaiak" eleberriko pasarteak irakurri zituen Berlinen, euskal etxeak antolatutako ekitaldian. Liburuaren gaiaren harira, irakurraldiarekin batera, Lehen Mundu Gerran Alemanian preso egon ziren euskal soldaduei grabatutako 12 kanta hunkigarri izan ziren entzungai irakurraldian tartekaturik.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
