Maiatzaren 24an, ostirala, NABOren 2024ko Biltzar Nagusia (edo 'Convention') egingo du Ipar Amerikako euskal etxe eta elkarteen bilgarri den federazioak, 08:00etatik 15:00etara, Wool Growers ostatuan. Arratsaldean, 17:30etan, NABOren 2024ko Bizi Emankorra sariak emango zaizkie Steve Bass, Jenny Poncetta, Marianne Laxague, Joxe Recondo, Lourdes Iturriria eta Mayi Berterretche Petracek-i. Eta eguna Esti Markez eta bere taldearen kontzertuarekin biribilduko da, Bakersfield-eko Doré Theatre-n. Kern County Basque Club eta CSUBko (California State University, Bakersfield) Institute for Basque Studies elkarteen eskutik.
Hastapen honekin abiatuko dira Bakersfielden 2024ko NABO Biltzar Nagusi eta Euskal Festako ekitaldiak, segida larunbat eta igandean, eta baita estra batekin astelehenean ere.
Lagun bati bidali
Komentarioa gehitu
