Ostiral honetan, Etxepare Euskal Institutuko Elbira Zipitria katedraren irekiera ekitaldia egingo dute Montrealgo McGill Unibertsitatean. Quebeceko adituez gain, Euskal Herritik joandako hiru hizlarik hartuko dute parte: Idoia Fernandezek (UPV/EHU) Elbira Zipitriaren ekarpenaz hitz egingo du; Miren Azkaratek (UPV/EHU) euskararen hizkuntza politikaren erronkak izango ditu hizpide eta Paulo Suberbiola (Soziolinguistika Klusterra) Euskaraldiaren ekarpenen inguruan mintzatuko da. Online edo aurrez aurre parte hartzeko, izena eman behar da.
Izen-ematea, hemen.