Uztailaren 18an, larunbata, Dantzari Ohiaren Urteroko Festa Mar del Platako Denak Bat Euskal Etxean. Bertara egun dantzari dihardutenak eta inoiz dantzariak izan diren pertsonak oro daude gonbidatuta ("inoiz dantzari izan direnak betirako dira dantzari"), aurten ekitaldi berean Denak Baten 83. urteurrena ere ospatuko dela.
Bi festak gaueko 21etatik aurrera gauzatuko dira erromeria bat tarteko, "gure janaria, gure edariak eta gure kultura elkarbanatuko ditugu eta, jakina, agertokira igoko gara geure dantzari sasoi betean ginela hain zoriontsu egin gintuzten dantza haiek gogoratzeko. Irrika bizian gaude eguna etorri eta gurekin bat egin dezazuen", luzatzen dute gonbitea.
Lagun bati bidali
Komentarioa gehitu
