Halaxe izan zen XIX. mendean eta XX.aren hastapenean Argentina eta Uruguay bustitzen dituen eskualde hori. Buenos Aires eta Montevideo aldea, Euskal Herritik kanpoko euskal konzentraziorik handiena bilakatu ziren. Bertan sortu ziren, euskal giro petoan, munduko lehenengo Euskal Etxeak eta, italiarrek eta beste komunitate batzuek egindakoaren antzera, gisa askotako euskal toki eta ekimenak ugaldu ziren, hala nola, euskal eskolak, euskal orkestrak, euskal izeneko kaleak, pilotalekuak, aldizkariak, euskal operarik idatzi eta estreinatu zen, bertsolari saioak, dantzaldiak, euskal aterpetxeak eta hamaika euskal biltoki eta abesbatza.
Lagun bati bidali
Komentarioa gehitu
