Argentinan Euskaraz izeneko programa bat garatzen du gaur egun HABEk Argentina eta Uruguayen, bertako euskal jatorrikoei euskara ikasteko aukera emanez. Gauzak ez dira, ordea, beti honela izan Río de la Plata ibaiaren inguruotan, alderantziz baizik: lehen, euskaldunak, Hego zein Iparraldekoak, euskaraz mugi zitezkeen bertako euskal giroetan eta, hainbatek, bertan ikasten zuten, ez berez mintzo zuten euskara, gaztelania baizik. Horixe adierazten du, besteak beste, Uruguayko Liburutegi Nazionalean kontserbatzen den liburu batek, hain zuzen ere gaztelania ikasteko euskal gramatika batek, Francisco Jauregui de San Juan izenekoak 1860an Buenos Airesen argitara eman zuenak.
Lagun bati bidali
Komentarioa gehitu
