euskal diaspora eta kultura
2008/03/18
Gernikako bonbardaketaren 70. urteurrenaren karira gertaera honi buruz eitb24.com berri atariak eginiko multimedia lanak Malofiej saria jaso du, infografia munduan Pulitzer sariaren parekotzat hartzen den aintzat hartzea. 'Gernika 1937-2007' lanean internet erabiltzaileak herri bizkaitarraren bonbardaketari buruzko hiru infografia eta bi ikusentzunezko topa ditzake eta Gernikan zehar bonbardeketa izan aurretik, bitartean eta ondoren ibilbide birtuala egiteko aukera ematen du. Beste euskal saridun batzuk hiru.com, Jaurlaritzako Hezkuntza Sailaren webgunea eta consumer.es ataria izan dira.
2008/03/18
Nafarroako Gobernuak Sandalio Monreali Carlos III.a Noblearen Gurutzea eman diola jakin arazi zuen atzo. Bi urte besterik ez zituela familiarekin batera Argentinara emigratutako Monrealek 77 urte ditu egun eta, besteak beste, 17 urtez izana da Rosarioko Nafar Etxeko presidente, egun ere bertako kontu ikuskatzaile delarik. 'Bizitza osoa gure nortasuna eta kultura sustatzen' eman duen pertsona, Nafarroako Gobernuak dedikazio eta ahalegin hori guztia publikoki onetsi nahi izan du eman berria dion errekonozimenduarekin.
2008/03/18
Iragan asteartean Argentinako General Villegas herriko Euskal Etxeak eta bertako Udalak euskal egoitza berria eta 'Gernika Plaza' gune publikoa eraikitzeko akordioa sinatu zuten. Beste alde batetik, euskal etxe berak makina fresatzaile bat eman zion herriko Hezkuntza Teknikoko Eskolari. Tresna Eusko Jaurlaritzak emandakoa da eta lehen eta bigarren Polimodaleko ikasleen lanen erabilerarako prestatuta dago. Ekimen honekin euskal etxeak aspaldi agindutako hitzari eutsi dio.
2008/03/17
Felipe Eiheragibel rosariotarra buru zeukan zerrenda ofizialistak irabazi zituen joan den larunbatean FEVAk eginiko hauteskunde partzialak. Por una FEVA para todos hautagaitzako zerrendaburuak hiru botoko aldea atera zion Alejo Martin cordobatarra buru zeukan Centros Vascos por la alternativa zerrendari. Partaidetza handia eta indar burruka izan dira bozka hauen ezaugarri, hori FEVA bezala bere barruan bi zerrenda lehian ikusteko batere ohiturarik ez duen erakunde batean. Arestian aipatu hiru botoko tartearen karietara, hautagaitza ofizialistako kideek lortu zituzten jokoan zeuden postu guztiak: lehendakari, idazkari eta diruzaintza, bost batzordekidetza eta hiru kontu ikuskaritza.
2008/03/17
Eikenek, Euskadiko Ikus-entzunezkoen Klusterrak, 'EikenBank' lehiaketa abiarazi du. Euskal Herriko zein Diasporako gazteek parte har dezakete eta euskal ekoizpen etxeen eta gazte sortzaileen arteko lankidetzarako bidea zabaldu nahi du. Ekimenak ikus-entzunezko gidoi, maketa edo edonolako ideia berriak bil ditzake (telebista programak, telesailak, lehiaketak, magazinak, animazio produktuak, dokumentalak, multimedia edukiak). Saria 4.000 eurokoa izango da eta lana apirilaren 30a baino lehen entregatu beharko da 'EikenBank'en webgunearen bidez.
2008/03/17
Euskal Herrian hain ezagunak diren odolkiak era tradizionalean egiten jarraitzen duten AEBetako euskal etxe bakanetako da Utahkoa. Horretarako urtero biltzen dira afari batean elkarteko kide eta lagunak eta elkarteko adituek prestaturiko odolki goxoak dastatzen dituzte. Aurtengoa zazpigarren edizioa izan da eta Pantxo Aguerre, Jean Flesher, Scott Berriochoa, Javier Guerricabeitia eta Larry Osoro izan ziren afaria prestatu zutenak. Euskal Etxeak, bestalde, bere webgunea itxuraldatu du, informazioa berrituz eta NABO eta euskal komunikabideen loturak gehituz.
2008/03/17
From March, in Salt Lake (see the previous article), to November in Boise. Odolkia, mortzila, tripota are different Basque words and types of blood sausages. There are still a few Basque clubs in Utah, Idaho, Nevada and California where Basques gather to make and eat this old country style delicatessen. This is an article about the mortzila festival hold last November in Boise. Whether you are Basque or not, you know what weekend it is the minute you park your car and step into the air in Boise, as the smell of onions and leeks take over downtown. Hot homemade mortzillas cooking in the basement of Boises Basque Center. For decades, the unique experience and tradition has taken place, preparing for the hundreds who gather to eat them.
2008/03/15
Bizkaiko Foru Aldundiko ordezkaritza bat Miamin dago egunotan lurralde historikoaren turismoa, gastronomia eta kultura aurkeztu eta ezagutarazteko. Ordezkaritzaren buru Turismoa Sustatzeko zuzendari nagusia, Gabino Martínez de Arenaza, eta berarekin batera goi mailako sei sukaldari bizkaitar bidaiatu dira. Ordezkaritzak besteak beste Nazioarteko Kruzero Azokan hartu du parte, Bilboko portua ezaguera bultzatzeko. Asteazkenean Miamiko berrehun bat euskaldunekin bildu ziren, jendetzak prebisio guztiak hautsi zituelarik.
2008/03/14
Gaur bertan heldu dira Eibarrera Utahko Unibertsitateko Character Dance Ensemble taldea osatzen duten 17 dantza ikasleak. Munduko herrialde askotan izan dira tokian-tokiko dantzak ikasten eta Eibarko Kezka Dantza Taldearekin www.dantzan.com webgunearen bidez jarri ziren harremanetan. Dantza atari honen kudeatzailea, Oier Araolaza, Kezkako dantzaria da eta taldeak ikastaroa antolatzen lagundu die estatubatuarrei. 'Inbidia sanoa baino amorrua ematen du han dantzak duen egoera ikusteak, hemengoarekin alderatuta. Hemen hitzetik hortzera darabilgu euskal dantza eta gero erakundeek eta Unibertsitateak ez dute sustatzen, ezta ikertzeko eta ikasteko biderik ematen...', azaltzen du dantzariak.
2008/03/14
Ibai Ondoko Euskal Etxeak joan den larunbatean inauguratu zuen egoitza berria, ehun bat bazkide eta lagun bildu zituen ekitaldian. Egoitzak 300 metro kuadro inguru ditu, bi solairutan banatuta. Bildutakoek elkartearen aro berriarengatik topa egin eta gero euskal etxeko dantzari txikiek erakustaldia eskaini zuten, Claudia Oterok eta Aitor Alavak zuzenduta. Hurrengo ekitaldiak prestatzen ari da jadanik euskal etxea: Dantzari Eguna eta Urteurren Jaia.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
