Bahía Blanca, Argentina. Ostegunean, kanpotik hurreratzen hasitako eta hirian bizi diren euskaldunen artean Unión Vascaren egoitzan sortutako giroaz gain, Rivadavia Liburutegiko auditoriumean Oñatitik (Gipuzkoa) etorritako Oñati Ganbara Abesbatzaren kontzertua behar da azpimarratu, asteburuari begira motorrak berotzen hasteko bidean. Talde oñatiarrari ongietorria emateko, Bahia Blancako Emsamble Lírico Abesbatza izan zuten anfitrioi. Kontzertua bukatuta, euskal etxeko girora, lagun artean elkarrekin gozatzera.
Osteguneko kontzertua aipatu bi abesbatzena izan bazen, errepertorioa bariatua, hizkuntzaz zein musika-mota eta estiloz, ostiralean, bigarren kontzertu bat etorri zen, euskal errepertorioduna, zenbait euskal etxeetatik etorritako bost abesbatza Oñatiko Ganbara Abesbatzakoen kantukide. Lehenengo partean, bost abesbatzok ari tu ziren, esan nahi baita Viedma eta Patagoneseko Aberri Etxeko Lagun Artean abesbatza; Coronel Pringles-ko Eusko Biltzar-eko Eusko Alaia; San Nicolaseko Euskal Etxeko Errekatarrak; Comodoro Rivadaviako Lagun Artean abesbatza; eta Buenos Aires hiriburuko Euskaltzaleak-eko abesbatza.
Hona emanaldi horietako bideo batzuk, eta argazki-galeria:
Bahia Blancako Emsamble Lirico, ostegunean Oñatiko Ganbara Abesbatzaren anfitrioi: Aita Gurea
Oñatiko Ganbara Abesbatza ostegunean, Ez Dok Amairuren ohoretan kantari
Viedma eta Patagonesko Abestu Beti abesbatza Txoria Txori kantatzen
Ikusten duzu goizean, San Nicolaseko Euskal Etxeko Errekatarrak abesbatzak kantatua
Ikusi mendizaleak, Comodoro Rivadaviako Lagun artean abebatzaren bertsioan
Errepertorio oso bat eskaini bazuen ere, emanaldia bukatuta oñatiarrek Goazen mendiriz mendi hau ere kantatu zuen
(Segituko du)
Lagun bati bidali
Komentarioa gehitu
