euskal diaspora eta kultura
2007/09/28
Teknologia berrietan euskararen erabilera erraztu eta sustatzeko tresna ugari eskaintzen ditu Eusko Jaurlaritzak bere webgunean. Doako software-ak dira, saretik erraz jaitsi daitezkeenak, ordenagailua euskaraz erabiltzeko bidea emanez. Sistema eragileak, hiztegiak, zuzentzaile ortografikoak... denak xagu kolpe batez eskuragarri. Honoko artikuluan zeintzuk diren eta nondik jaitsi daitezkeen azaltzen dizugu.
2007/09/28
Etengabeko hedatze eta ekintzaz beteriko urte batean, Buenos Aireseko Iparraldeko Euskal Etxeak eta hiri bereko Euskaltzaleak elkarteko ikasle talde batek Iparraldea, bertako jende, historia eta ohiturak ezagutzeko interes berezia duten pertsonei zuzendutako jarduera bat antolatu zuten joan den astean, 'Mintza gaitezen Iparraldeaz' izenburupean. Hitzaldiak ekimen desberdinak bildu zituen: bideo emanaldi bat, joku eta kantak eta bukaeran mokadutxo bat hartzeko aukera. Jende ugari bildu zuen ekimen hau pasa den asteazkenean, Irailaren 19an, egin zen, Buenos Airesen, Iparraldeko Euskal Etxearen egoitzan, Moreno 1370 helbidean.
2007/09/27
Artzain Mundua elkarteak Ameriketan ibilitako artzainak omentzeko egin zuen deialdiak erantzun aparta jaso du. Hitzordua datorren asteburuan Alduden eta astelehenean Gernikan izango da. Bertara bilduko dira Euskal Herriko lau muturretatik heldutako artzainak eta baita Ameriketatik etorritako batzuk ere. Ekitaldi jendetsua izango dela aurreratu daiteke: omenaldiko kontzertu, mintzaldi eta dokumental emanaldietara gerturatuko direnez gain, bazkarietarako tiketak dagoeneko erabat agortu egin direlako, guztira bostehun Alduden eta beste hainbeste Gernikan.
2007/09/27
Euskal Herriko enbaxadore hoberenak izan dira. Hala diote Artzain Mundua elkarteko kideek. Ameriketan ibili diren euskal artzainak omenduak izanen dira heldu den asteburuan, Baigorrin, Alduden (Baxenabarre), eta Gernikan. Zeremonia, diploma, oroitarri eta guzti. Euskal artzainak aipatuta, gizon zuzenak, leialak eta langileak direla erraten da anitzetan. «Euskal gizarteak luzaz ahantzi ditu euskal artzainak». Ttale Urret artzaina da bera ere, eta omenaldiaren antolatzaile bat. Euskal artzainek denbora eman dute Amerikako mendietan nola bizi izan diren aitortzeko. Mila, edo bi mila buruko artalde bat zaindu behar. Hartzak, koioteak ardiak harrapatu nahian. Hotza, gosea. «Eta bakardadea. Nik uste hori izan den artzainen etsairik handiena».
2007/09/27
Ez da bizibide erraza izan Ameriketara artzain joan ziren euskaldunena. Denborak, batzuetan, une gaiztoak ahantzi arazi eta une goxoak ekar arazten dizkigu memoriora. Gazi-gozoak tarteko, badira ongi pasatu ziren ixtorio eta kasuak eta badira Ameriketan geldituz edo berriz ere Euskal Herrira etorriz euren pasarte amerikanua nekez gogoratu nahi dutenak. Eta bitarte horretan galdu direnak. Guztia Ameriketako euskal esperientzia honen parte. Xan Airek, bera ere Ameriketaratutako frango dituen familiakoa, emana du argitara Gratien Ernaut urepeldarrari eginiko elkarrizketa hau Berria egunkarian.
2007/09/27
Fabio Echarrik, Crepitan las llamas en la tarde lanarekin, irabazi du 'Gernika Bakearen Alde' izenpean Argentinako bost euskal etxek deituriko literatur lehiaketa. Norgehiagoka, Rosario, El Chaco, Paranako Urrundik, San Nicolas eta Santa Feko euskal etxeek deitu zuten eta, Echarri chacotarrarekin batera, garaile suertatu dira, bigarren tokian, Silvia Noemi Iglesias 'Acerca de la resistencia de los cuerpos' obrarekin, Puerto Madryn, Chubutekoa; eta Maria Virginia Rubio, 'El Roble de Gernika'rekin, Trenque Lauquen Buenos Aireseko probintziakoa. Sari banaketa datorren asteko igandean egingo da, Rosarioko Euskal Aste Nazionaleko bazkari nagusiko bazkalostean.
2007/09/27
Mexiko Euskal Etxeak North American Basque Organizations (NABO) elkartearen ordezkaritza errezibitu du joan den asteburuan. Estatubatuarrek Euskal Etxearen Mendeurreneko ekitaldiekin bat egin eta Donostiako Gaztelupe Koruak eman zuen kontzertuaz gozatzeko parada izan zuten. NABOko taldea osatzen zutenak honokoak ziren: Mary Gaztambide, lehendakaria, John Ysursa, sustatzailea, eta Xabier Berrueta, aholkularia.
2007/09/26
25 urte beteko ditu astelehen honetan Madrileko Euskal Etxea-Hogar Vasco elkarteak Jovellanos 3ko egoitzan eta data gogoangarri hau ospatzeko asmoz astebeteko ekitaldi sorta prestatu dute elkarteko arduradunek. Horien artean mintzaldiak, kontzertuak, haurrentzako jaialdiak-eta egingo dituzte. Asteartean Ainhoa Arteta sopranoak kontzertua eskainiko du Círculo de Bellas Artes-eko antzokian. Ibarretxe lehendakaria ere bertan izango dela aurreratu dute Euskal Etxeko arduradunek.
2007/09/26
Armiarma.com euskal literaturari buruzko informazio webgune aberatsenetakoa da eta arduradunek gainera etengabe eguneratzen dizkiote edukinak. Azken nobedadea 'Kritiken Hemeroteka' atala da. Bertan irakurleek, Euskal Herrian plazaratutako liburuen ia 4.000 kritika ipini dituzte eskuragarri, eta astero berriak gehituko dizkiete. Webguneak, bestalde, euskara ez dakiten literaturzaleentzako ere eduki interesgarriak eskaintzen ditu, hala nola beste hizkuntzetara itzulitako hainbat liburu, elaberri eta olerki.
2007/09/26
Its a group that has put smiles on the faces of fans young and old. To watch a group solely made up of musicians, including children and adults play traditional Basque music on traditional Basque instruments, isnt something many expected to see outside the Basque Country. But the collaborative vision of some inspired Boise Euzkaldunak members made it happened. Today Txantxangorriak has grown to become a cherished part of Boises Basque Community.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
