euskal diaspora eta kultura
2007/11/15
Bilkura San Isidroko Marín Ikastetxean egin zen, Buenos Aires probintzian, aurreko topaketaren egoitza errepikatuz. Aurtengoan ere Argentina eta Uruguaiko Saralegitarrak bildu ziren bertara. Oroitzapenak, emozioak, senideekin berriro aurkitzearen poza eta familiako kide berrien ezagutzeak izan ziren eguneko protagonista. Ehun lagun baino gehiago bildu ziren eta elkarren berri eman zuten ondo atondutako mahai baten inguruan. 1998an, Buenos Aireseko Laurak Baten egin zen lehen topaketa eta, bosgarrena eginik, hitzordua urte askotan eta osasuntsu mantentzeko asmoa agertu dute antolatzaileek.
2007/11/15
Emilia Doyaga said multiple times on Sunday that we were hoping to see 50 people attend the Hall of Fame banquet in Ontario Oregon. So when 200 showed up, she and the others from the Society of Basque Studies in America (SBSA) were pleasantly surprised. The entire Basque American community honored six Basque women from Ontario, Oregon last Sunday. They are Grace Lacouague Mainvil, Timmie Yraguen Echanis, Juanita Yraguen Ybarzabal Hoff, Martina Yraguen Echanis, Josephine Echanis Keim, and Lourana Priston Echanis. Basques from several Western states and New York attended.
2007/11/14
A Candle in the Night: Basque Studies at the University of Nevada, 1967-2007 ('Kandela bat gauean: Euskal Ikasketak Nevadako Unibertsitatean, 1967-2007') du izena liburuak, eta elkarrizketen eta zuzeneko lekukotasunen bidez Nevada-Renoko Unibertsitateko (UNR) Euskal Mintegiaren [hala bataiatu zuten hasiera batean euskaraz, beste batzuk Euskal Ikasketen Programa esaten zutena] ibilbidea libururatzen du, koordinazio eta editore lana Pedro J. Oiarzabal historialariak harturik. Liburua gaur bertan aurkeztuko da Renon, Nevadako Unibertsitateko Ahozko Historia Programaren eta Center for Basque Studies (CBS) beraren eskutik.
2007/11/14
Argentinako Arrecifesekoak dira. Mariana Domine Irigoyen, Adrian Charras, Christian Rodriguez, Billy Vogt eta Maria Eugenia Cozzak osatzen dute EuskoCantat lehiaketa irabazi duen Maral taldea. Euskaraz kantatzen eskarmentua dute, Necocheako eta Cordobako Euskal Asteetan Kepa Junkera eta Lito Vitalekin aritu izan dira gonbidatu. EuskoCantat txapelketan 'Maitia nun zira' eta 'Begira nago' bezalako kantuekin lortu dute saria. "Euskal nortasuna mantentzen laguntzeko gure ekarpena da", azaltzen dute euren jardunari eta esperientzia honi buruz. Izan ere, Maraleko kantari Mariana Dominek adierazten duenez "abesti tradizional harek zioenari jarraituz, abesten duten herriek beti eukiko dute etorkizuna".
2007/11/14
Buenos Aires hiriburutik hegomendebalderuntz 470 kmtara dagoen Adolfo Gonzales Chaves hiriak 15.000 biztanle inguru ditu. 2006ean hasi zen Kolektibitateen Azoka eratzen, historian herrira bildutako jatorri ezberdineko biztanleen kultur aberastasuna azpimarratzeko. Herriak ez dauka oraindik euskal etxerik, baina euskal kolektibitatea hasieratik izan da ekitaldiko partaide: 2006an Necocheako Euskal Etxeko dantzariak aritu ziren dantzan; oraingoan Tres Arroyoseko dantzariek jaso dute lekukoa. Eurekin batera Siriar Zentruak, Italiar Elkarteak eta Mar del Platako Espainiar Zentruak ere hartu zuten parte.
2007/11/13
Antton Valverde kantariak disko berria plazaratu du, hamar urteko isilune luzearen ondoren, grabazio aldetik. Euskal kantagintza modernoaren historian ahots garrantzitsua izan den kantaria 'Hamabi amodio kanta' (Elkar 2007) diskoa besapean dator. Ipar Euskal Herriko maitasun kantuak jaso ditu bertara, duela 120 urte Charles Bordes musikazaleak bildutako altxorretik hautatuak. Tartean, 'Adios ene maitia' bezalako harribitxiak, Valverderen aburuz: 'hamar euskal kantu onenen artean egon beharko luke'en kanta. Abeslariak diskoa Argentina eta Uruguaiko euskal etxeetan ere aurkezteko asmoa agertu du.
2007/11/13
Oreka TX-ek New York-eraino ekarri zituen joan den larunbatean bere makila eta egurrak Etxeorratzen Hirikoen artean perkusiozko euskal erritmo tradizionalak ezagutzera emateko. New Yorkeko Eusko Etxean, taldeko kideak, Igor Otxoa eta Harkaitz Martínez de San Vicente, lehen aldiz aritu ziren jotzen euskal etxe batean Diasporako lagunen aurrean. Ikusmin handia biztu zuen bisitak eta pertsona ugari gerturatu ziren Basque Club-era. Emanaldiaren ondotik Nomadak TX dokumentala ikusteko aukera ere izan zen.
2007/11/13
Euskal zinemaren erakuslehio lana egingo du Rio Cuartoko Gure Ametza euskal etxeak bihar, Kimuak programaren laburmetraia sortaren emanaldia eskainiz. Kimuak Eusko Jaurlaritzak bultzatzen duen zinemaren aldeko ekimena da eta honen bidez munduko euskal etxe askok erakutsi ahal izan dituzte azken urteotan Euskal Herrian urtero egiten diran laburmetraia onenak. Rio Cuarton hirugarren edizioa du jada erakustaldiak, eta aurten gainera Unibertsitatearekin batera hiriko ikusleei irekia izango den emanaldian eskainiko dituzte.
2007/11/12
Euskal Etxearen sorreratik ia hogei urte igaro eta gero, elkarteko Eusko Txokoa liburutegiak gazte eta nerabeei euskal gaien inguruko lehiaketan parte hartzeko gonbitea luzatzen die. Irabazleen izenak Euskararen Egunaren (abenduaren 3a) segidan adieraziko dituzte, elkartearen urteurrena baita. Sariak liburuak eta Lapridako Arturo Campion Ikasketa Zentruko 'Guregandik' aldizkariaren 3. alea izango dira. Parte hartzea oso erraza da: jarraian aurkezten dugun galdetegiari erantzun behar zaio eta hilaren 30a baino lehen e-mailez edo postaz bidali.
2007/11/12
Nazioarteko Ofice argitaletxeak eta Trade Leaders´ Club elkarteak sari bat ematen diete urtero Turismo, Ostalaritza eta Gastronomia alorretan nabarmentzen diren enpresei. 120 herrialdetan dauden Elkarteko 14.000 bazkideen artean egindako bozketan Rosarioko Zazpirak Bat EEko jatetxea atera da aurten garaile. "Ez genuen sekula honelako saririk jaso eta ohore gisa hartu dugu, hamabi urte jo eta ke lanean aritu ostean", azaldu diote EuskalKultura.com-i jatetxeko arduradunek. Urtarrilean emango diete saria, Madrileko Nazioarteko Turismo Azokaren baitan.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
