euskalkultura.eus

Noticias

Xuxen euskal zuzentzaile ortografikoa interneten bertan kontsulta daiteke orain, www.xuxen.com webgunean

06/05/2005

Xuxen softwareak --euskaraz idatzitako testuak ortografikoki zuzentzeko tresna baliosa denak-- hainbat bertsio ezagutu izan ditu sorreratik hona bere eraginkortasuna hobetze aldera. Oraintsu arte, zuzentzailea erabili izateko, interneten softwarea jaitsi eta bakoitzaren ordenagailuan instalatu beharra zegoen. Aurkeztu berri duten webgunearekin, euskal testuak on-line aztertu eta zuzendu daitezke, ordenagailuan programa berririk instalatu gabe.

Xuxen-en webgune berriak euskaraz idatzitako testuen akats ortografikoak detektatu eta zuzentzeko aukera ematen du, ahalik eta modu erosoenean. Orain arte zuzenketa sofware hau erabili ahal izateko programa internetetik hartu eta norberaren ordenagailuan instalatu beharra bazegoen, webgune berriarekin zuzendu beharreko testua webgunean agertzen den laukitxoan erantsi eta xuxenweb-ek berak zuzenketak antzeman eta hitz proposamenak aurkeztuko dizkigu.

Sistemak bi zuzenketa modu ematen ditu:

-Zuzendu: aukera honen bidez zuzenketa azkarra egingo dugu. Testua aztertu ondoren, Xuxenek ezagutzen ez dituen hitz guztiak nabarmenduko ditu eta hitz ezezagun bakoitzaren gainean proposamen zerrenda bat erakutsiko du.

-Zuzenketa aurreratuan berriz, hitzez hitzeko zuzenketa egingo dugu. Bulegotika aplikazioetan jarraitzen den metodoa da hemen erabiltzen dena.

Hiztegi pertsonala kudeatzeko aukera ere eskaintzen da. Horretarako erabiltzailea erregistratu behar da. Zuzenketa egiten ari den bitartean, erabiltzaile erregistratuak bere hiztegia osatzeko aukera izango du. Honela, hurrengo zuzenketa batean, bere hiztegian dauden hitzak kontutan hartuko dira.


Lotura interesgarriak

XUXENweb
www.xuxen.com

Euskarazko beste software batzuk deskargatzeko
www.euskadi.net/euskara_soft/indice_e.htm

---

---

Las más leídas

• 20/04/2024
  Elecciones Parlamento Vasco 2024: esfuerzos inéditos de los dos principales partidos por atraer el voto de la Diáspora
• 26/04/2024
  Buenos Aires Celebra Europa: con formato renovado, la cita anual de la cultura vasca en la capital porteña será en mayo
• 23/04/2024
  Talleres de FEVA trabajarán en junio en el Zazpirak Bat de Rosario la danza vasca y la transformación institucional
• 26/04/2024
  Cambios en las señales de la Televisión Vasca que se captan en el mundo; mejoras en ETB Basque a partir de mayo
• 25/04/2024
  Propuestas de la diáspora y la cultura vasca en la 48ª Feria Internacional del Libro, que se inicia hoy en Buenos Aires

Últimos comentarios