NABOk web gunea berritu du, heldu den udarako ekintzak iragarriz

29/04/2003

NABOk zenbait berrikuntza egin ditu bere web gunean. Diseinu aldekoekin batera, informazio alorra indartu eta datorren udan garatuko dituzten ekintzak ere iragarri ditu...

Web gunea berritu du NABOk (Ipar Ameriketako euskal elkarteen federazioak) joan den asteburuan, argiagoa eta kutsu informatibo handiagokoa utziz, aldi berean hizkien tamaina apalduz. Gure erredakziora igorritako ohar batean azpimarratu duenez, aurreko www.naboinc.com helbidea oraindik hilabete batzuetan indarrean egongo bada ere, www.basqueclubs.com da erakunde euskal amerikarrak indartu eta zabaldu nahi duen behin-betiko helbidea.

Web gunearen lehenengo orrialde berrian ikus daitekeenez, ezkerreko zutabe batek NABOren izaera, ezaugarri eta ekintzak zerrendatzen ditu, Euskal Herriari eta euskal iharduerei buruzko zenbait jakingarriekin batera, guztiak gisa klikagarrian. Zutabe horretanxe eta beherago biltzen dira NABO osatzen duten 35 elkarteak, bakoitza bere estekarekin, aurkitzeko lehen baino modu errazagoan beraz.

Berrikuntza da, baita ere, erdialdean zenbait gai eta berri aldagarriei eskaintzen zaien tokia, eskura oso. Hor atxeman daitezke, esaterako, aurtengo uztailean Nevadako Elkon egingo den NABOren Biltzar Nagusiaren berri, euskal kulturaz aurten bigarrenez eratzen ari den helduentzako Ikasi programaren berri, euskal-iparamerikarren historiaren panorama zabal bat, aurten San Franciscon egingo duten Udaleku haur programari buruzko informazioa eta uda honetan Europako Euskal Herrian obratuko diren Gaztemundu gazteentzako ihardunaldiak zein horren segidan Gasteizen gauzatuko den Euskal Etxeen Mundu-Biltzarra, ahaztu gabe Egunkariaren itxierari eskainitako atal berezi bat.

Últimos comentarios

Liburua eta bizitza
Aitor Alava
Ciudad de Buenos Aires
04/12/2025
Saludar a Iker Arranz!
Ana Suárez Iribarren
Ayacucho
03/12/2025
Zorionak
Ana Suárez Iribarren
Ayacucho
21/11/2025
¡Felicitaciones!
Juan Carlos Luzuriaga
Montevideo
21/11/2025
saludo
Susana Siccardi Ohaco
Mar del Plata
21/11/2025

euskalkultura.eus

Noticias

NABOk web gunea berritu du, heldu den udarako ekintzak iragarriz

Las más leídas

Últimos comentarios