euskalkultura.eus

Noticias

Sareko Argia webgunea Argia astekariak argitaraturako elkarrizketen mp3-ak entzuteko aukera ematen hasi da

22/04/2006

Sareko Argiak --Argia aldizkariaren internet bidezko bertsioak-- duela gutxi hasitako berrikuntza prozesuarekin darrai. Webgunearen formatoa goitik behera itxuraldatzeaz gain, paperezko aldizkariak eman ez dezakeen 'estra' bat dakar: elkarrizketen audio bertsioa, mp3 formatoan entzungai. Aukera polita elkarrizketatuaren ahotsa edo hizjarioa ezagutu nahi edo besterik gabe elkarrizketa bestelako bitartekorik gabe entzun edo dastatu nahi duenarentzat.

Sareko Argiak bere irakurleentzako oparitto berri bat jarri du www.argia.com webgunean eta Argia aldizkarian argitaratzen diren elkarrizketetako batzuk mp3an sareratzen hasi da. Internet bidezko irakurleek elkarrizketatuen ahotsa, hizkera edo euskalkia zuzenean entzuteko aukera izango dute horrela. Munduan zehar euskara ikasle direnentzat ere, aukera ona izan daiteke entzumen praktikak egin edota gaurkotasuna duten gaien inguruan ariketak prestatzeko.

Elkarrizketak egin ahala audio fitxategiak webgunean sareratzen joango dira, elkarrizketen ondoan agertzen diren linketan eskuragarri. Momentuz eskuragarri daudenen artean Iñaki Murua, Bertsozale Elkarteko presidenteari eginiko elkarrizketa entzun daiteke, mp3 fitxategi sorta batean. Elkarrizketaren audioa entzun nahi duenak, hemen eskura dezake zuzenean. Edo Xabier Aranguren zumaiarrarekin egindako elkarrizketa --hiriko bizitzari bizkarra eman eta Leunda Berri baserrian bizimodua eta ogibidea egitea erabaki duen gaztea berau--, hementxe entzungai.


Lotura gehigarriak

Argia astekariaren internet bidezko laguna
www.argia.com

Argia euskal astekariak Sareko Argia webgunea berritu du
Euskalkultura.comen 2006ko martxoaren 2an argitara emana

---

---

Las más leídas

• 24/10/2025
  Consulta el programa de la Semana Nacional Vasca Argentina 2025, del 26 de octubre al 2 de noviembre en Tandil
• 23/10/2025
  De Chacabuco a Euskal Herria: feliz regreso del séptimo grupo de viajeros, un éxito que suma historias y prestigio
• 22/10/2025
  Avanza el proyecto cinematográfico sobre 'El Vasco de la Carretilla', con dos films y un tributo a Larregui en Navarra
• 23/10/2025
  El teatro vasco en el Festival de Teatro Hispanosalvadoreño con "Ni un día más (Las sirgueras)", de Arantxa Iurre
• 31/10/2025
  Hoy estallará en Tandil el gran fin de semana de la Semana Nacional Vasca 2025, con expectativas y ánimo 'a tope'

Últimos comentarios