Dantzari berri bat sortu da San Franciscon; Daniel eta Valerie (Etcharren) Arrecheak Peio ekarri dute mundura

Bozkarioa heldu zitzaion joan den larunbatean San Franciscoko Arrechea familiari, Peio haur ttipia sortu baitzen goizeko 11:30, anaia berri bat Gexan eta Joanarendako eta seme berria Daniel eta Valerie guraso urosendako. Haurra pentsatu baino bi aste t'erdi lehenago sortu zen eta 6 libera eta 12ko pisua eman zuen, eta 19 hazbete eta erdiko luzera. Zorionak Peioren anai-arreba eta aitamekin batera, San Franciscoko aitatxi-amatxi ere, Pierro eta Denise Etcharren-i, eta Banka eta Euskal Herriko familiari ere.

Haurra otsailaren 25ean sortu zen, goizeko 11:30etan eta erditzea ontsa joan zen, nahiz eta haurra uste baino bi aste eta erdi lehenago etorri zen. Pisu eta luzerari dagokienez, 6 libera eta 12ko pisua eman zuen, eta 19 hazbete eta erdiko luzera. Ama Valerie eta semea bi egunez egon ziren ospitalean eta iragan astelehenetik etxean dira.

San Franciscon sortu Valerie (Etcharren) Arrechearen eta bere senar Daniel Arrechea bankarraren hirugarren haurra da Peio, aitzineko biak Gexan eta Joana direlarik. Valerie San Franciscoko Euskal Etxeko eta Euskal Kultur Etxeko idazkaria da, eta Kaliforniako hiri horretako Zazpiak Bat euskal dantza taldeko zuzendaria. Ttipi-ttipitandik euskal etxe eta komunitateari lotua bizi eta hazi izan da, bere aita Pierro bietako zuzendari eta NABOko lehendakari izan baita, eta Estatu Batuetako euskaldunen erakunde nagusiaren lehendakari-orde izaten segitzen du egun.

Euskalkultura.com-etik, zorionak Valerie eta Daniel aitameri, anai-arreba Gexan eta Joanari, San Franciscoko tanta Evelyn-i, aitatxi-amatxi eta Amerika eta Euskal Herriko familiako ahaide guztieri!

Lotura gehigarriak

Jean eta Monique Flesher-ek Dominika Jacqueline ukan dute
2006-01-04an Euskalkultura.com-en argitara emana

Nace en Viedma (Argentina), Nicolás Heriberto Berraondo
2005-12-08an Euskalkultura.com-en argitara emana

Abre sus ojos a la vida Lorea, 'una donostiarra nacida en México'
2005-06-01ean Euskalkultura.com-en argitara emana

Daia Harlouchet, hija de Xabier y Cristina, nace en Quebec
2005-03-02an Euskalkultura.com-en argitara emana

El porteño Luis Berasategui, 'aitona primerizo' de Milagros
2005-02-03an Euskalkultura.com-en argitara emana

euskalkultura.eus

Noticias

Dantzari berri bat sortu da San Franciscon; Daniel eta Valerie (Etcharren) Arrecheak Peio ekarri dute mundura

Las más leídas

Últimos comentarios