euskalkultura.eus

Noticias

Pedro Mari Otañoren 'Mutil koxkor bat itsu aurreko', 'Ameriketako Panpetan', 'Donostiya', 'Txepetxa' eta beste hainbat bertso eta olerki interneten eskuragai

26/01/2004

Pedro Mari Otaño bertsolari handiaren urtebetetzea da gaur, urtarrileko gaurko egunez, 1857an, jaio baitzen Zizurkilen Europako Euskal Herrian zein Ameriketakoan bertsolaritzaren eta orohar euskal senaren punta-puntako erreferentzia izan zen, eta hainbatentzat egungotasunik galdu ez duen idazle, bertsolari eta euskaltzale euskal-argentinarra. Otañok 147 urte lituzkeen honetan, Susa argitaletxeak haren 23 bertso-sail bilduz duela juxtu ehun urte Buenos Airesen argitaratu zen Alkar, poesías escogidas izeneko liburua ekarri du internetera, itsasoz bi aldeetako euskaldunek atseginez hartuko duten oparia doaike.

EUSKAL KULTURA. Ameriketako euskaldunen ekarriaren adibide ezinhobea dugu Pedro Mari Otaño (Zizurkil, 1857 - Rosario, Argentina 1910), egokia oso Diasporak euskal kulturaren baitan hainbatetan eskaini duen ekarpenaren balioaz jabetzeko eta ulertzeko baita ere euskal kultura eta zentzu horretan Euskal Herria bera, euskaldunek eginiko emaitza direla, euskaldun horiek Europako Ama-lurrekoak izan edota Zortzigarren Probintzia deitu izan den horretakoak. Bere emaitza euskalduna Europan zein Ameriketan sortu, zabaldu eta biziarazi zuen Pedro Mari Otañoren bertso ezagunenak ipini ditu orain interneten, guztion eskuragarri, Susa literatur taldeak.

Zizurkilgo Errekalde baserriko semearen olerki bilduma bakarra da interneratu den hau, jatorriz 1904an Alkar, poesías escogidas izenburupean Buenos Airesen plazaratua. 23 bertso-sail bilzen ditu eta sinatu gabeko hitzaurrea, gaztelaniaz. Hemen klikatuz atxeman daiteke.


Esteka osagarriak

Pedro Mari Otaño: Lore-Jokoetako poeta bat Hegoaldean (pdf)
Juan Mari Lekuona euskaltzainaren testua Otañori buru

Vascos en el Oeste bonaerense
'Un bertsolari vasco en las Pampas', Alberto Azcona egile

Susa literatura webgunea
www.susa-literatura.com

---

---

Las más leídas

• 24/10/2025
  Consulta el programa de la Semana Nacional Vasca Argentina 2025, del 26 de octubre al 2 de noviembre en Tandil
• 23/10/2025
  De Chacabuco a Euskal Herria: feliz regreso del séptimo grupo de viajeros, un éxito que suma historias y prestigio
• 22/10/2025
  Avanza el proyecto cinematográfico sobre 'El Vasco de la Carretilla', con dos films y un tributo a Larregui en Navarra
• 23/10/2025
  El teatro vasco en el Festival de Teatro Hispanosalvadoreño con "Ni un día más (Las sirgueras)", de Arantxa Iurre
• 21/10/2025
  Mikel Deuna: Denak Bat de Mar del Plata y Laurak Bat de Buenos Aires celebraron al patrono con danzas y homenajes

Últimos comentarios