euskal diaspora eta kultura
2010/09/15
Ostiral honetan Oreka TX taldeko txalapartariek AEBetan barrena egingo duten biraren lehen emanaldia eskainiko dute, zuzeneko musika Nomadak TX dokumentalarekin batzen duen ikuskizun berria aurkeztuz. Kontzertuak Indiana, Minnesota, Maryland eta New Mexicoko musika jaialdietan, San Franciscoko eta Chinoko (Kalifornia) euskal etxeetan eta Chicagoko Cervantes institutuan gauzatuko dira, besteak beste.
2010/09/15
Eskolak irailaren 28an hasiko dira, astero astero astearte eta ostegunetan Jose Ignacio Izagirrek emanik eta Cancungo Tzolk'in Kultur Etxearen eskutik. Cancungo herriari eskaintza hau egiterakoan, antolatzaileek bertan maia hizkuntzak duen anfitrioi izaera azpimarratu dute, adieraziz klaseok bertako hizkuntz aberastasunari eta aniztasunari eginiko ekarpena direla eta maia hizkuntzak eta hiztunek balia dezaketela euskararen ezagutza eta eskarmentua urrats berriak emateko euren egoera eta aurrerabidean.
2010/09/15
Euskaldunak Denak Bat Euskal Etxeak bultzaturik, joan den irailaren 4 eta 5ean, Arrecifes herrian jaialdi berezi bat egin zen etorkinen omenez. Parte hartu zuten gizataldeen artean, kolektibitate espainiarra, irlandarra, frantziarra, italiarra, paraguaitarra, eskoziarra, eta euskalduna aipa daitezke. Omenaldia, bertako Brown Plazan hasi zen, Frantzia eta Espainiako komunitateetako ordezkarien hitz batzuekin. Argentinako ereserkia abestu ondoren, bildutako jendea Ricardo Gutierrez etorbidetik euskal etxeko egoitzara abiatu zen 'Aitona-amonen Txokoa' erakusketa bisitatzera.
2010/09/15
Pello Mari Otañoren heriotzaren mendeurrena pasa berri dugun honetan, Argentinako bertsolari zizurkildarraren inguruko beste albiste bat ere sortu da, hain zuzen ere Buenos Airesko Laurak Bat Euskal Etxean euskara eskolak emateko erabiltzen zuen eskuizkibribu edo ohar-koadernoa topatu da. Bertso munduari egin zion ekarpenaz gain, behar da gogoratu Argentinan opera baten hitzak ere idatzi zituela, eta ogibidez euskara irakasle ere izan zela bolada batez, askok Diasporan horretara dedikatuta aritu zen lehenengo irakasletzat daukatelarik.
2010/09/14
Irailaren azken igandean gauzatuko da aurten Buenos Aires probintziako Pergamino hirian Ama Birjinaren omenez urtero antolatzen duen Erdi Maratoia. Bertako 'Lagun Onak' Euskal Etxeak eginkizun garrantzitsua du ekitaldi honen antolakuntzan, Erdi Maratoiaren testuinguruan Integrazio Proba bultzatzen baitu. Gonbitea komunitate osoari luzatzen dio euskal erakundeak, eta batez ere familiak eta ahalmen berezidun pertsonen partaidetza adoretzen dute. Proba ez da lehia orokorrean sartzen eta edonor aurkez daiteke, adin eta kategoria mugarik gabe. Lasterketarekin jasotzen den dirua ongintzarako da, Karitasentzat hain zuzen. Hitzordua irailaren 26an, igandean, izango da, Pergaminoko Gral. San Martin Udal Parkean, 9:00etatik aurrera.
2010/09/14
Juan Legarreta mungiarrak munduko negozio gizon aberatsenen zerbitzuan eman ditu bere bizitzako urte gehienak. Egungo nagusia hain da aberatsa ezin duela bere izenik eman, bakarrik arrasto bat: enkantean inoiz saldu den margorik garestiena berak erosi du. Filmea egiteko emango lukeen bizitzari errepasoa eman dio Legarretak Joxean Agirre kazetariak Gaur8.info aldizkarian egin dion elkarrizketa honetan.
2010/09/14
Liburuak izen osoa du "Organización, Identidad e Imagen de las Colectividades Vascas de la Emigración (Siglos XVI-XXI), Organization, Identity and Image of the Basque Communities Abroad (16 th-21th Centuries)" eta aurteneman du argitara Euskal Herriko Unibertsitateak. IZenbait herrialdetako ierkari eta ikaslari talde baten emaitza da, eta immigranteen identitate anitzari dagozkion gaiak jorratzen ditu zenbait ikusmolde eta eskarmendutatik. Argentinatik, Chaco probintziako Resistencia hiriburutik, euskal Diaspora gaiak aztertzen dituen Angeles de Dios Altunak liburuaren erreseina idatzi du, EHUko Ameriketako Historia departamenduko Oscar Alvarez Gila koordinatzaile izan duen liburu honetaz.
2010/09/14
Argentinako Junin hiriko Arbola Bat Euskal Etxeak hainbat ekitaldi egin ditu azken hilabeteteotan, eta horien artean nagusienetakoa Expo-Junin azokan izan zuen parte hartzea izan da. Azoka hau Argentinako nezakal eta abeltzain azoka garrantzitsuenetakoa da eta elkarteak euskal stand batekin egin zien ongi-etorria bertako ehundaka bisitariei.
2010/09/13
Joan den abuztuaren 20an, eta Argentinako euskal komunitate osoari bidalitako gutun batez bidez, Cordobako 'Gure Txokoa'ko kide talde batek, euskara, dantza eta musika ikasle eta irakasleek osatutakoa, Alejo Martin buru duen duen Zuzendaritza Batzordeak hartutako zenbait neurri eta jarrera salatu ditu. Talde honen arabera, erakundeak ezarri dituen xedapenek “Euskal Etxeko estatutuen helburuak eta aginduak ukatzen dituzte”.
2010/09/13
Neguko oporrak bukatuta eta indarrak berrituta, abuztuan hainbat ekintza antolatu dituzte Cordobako 'Gure Txokoa' Euskal Etxeko kideek. Proposamen kulturalen artean, Ander Blasco gazte bizkaitarrari ireki dizkio ateak erakundeak, bertako kide eta lagunak euskal musikaz goza dezaten. Blasco, Sopelatik Argentinara bere artea erakustera propio etorritakoa, Saltako Emilio Gonzalez Turu musikariarekin batera aurkeztu zen euskal etxe cordobatarrean. Kontzertuan, etxeko 'Cordobatarrak' Dantza Taldeko dantzariak izan ziren, oraingoan trikitixaren erritmoaz dantzatzen.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
