euskalkultura.eus

Noticias

Euskara eta euskalaritzaren inguruko ikerlanen artxiboa jarri dute sarean, Artxiker izeneko webgunean

05/07/2006

Artxiker artxibo digitala euskara eta euskalaritzaren inguruko artikulu eta ikerlanak biltzen dituen webgune berria da. Frantziako Iker taldeak (Euskarari eta Euskal Testuei buruzko Ikerketa Gunea) eta CCSD (Centre pour la Communication scientifique directe) taldeek sortu dute artxiboa, hainbat unibertsitateren babesarekin. Artxiboak hiru bertsio ditu: euskarazkoa, ingelesezkoa eta frantsesezkoa

Artxiker artxibategi digital berriak euskarari eta tipologikoki hari hurbil diren hizkuntzei buruzko ikerlanak kontsultatu eta eskuratzeko aukera ematen du, ikerlarien arteko komunikazioa eta elkarlana erraztuz. IKER (Euskarari eta Euskal Testuei buruzko Ikerketa Gunea) eta CCSD (Centre pour la Communication scientifique directe) erakundeek sorturikoa da webgunea eta euskalaritzako lanak egiten dituzten gune edo sail unibertsitario nagusien babesa du: Michel de Montaigne Unibertsitatea Bordeaux 3, Paue eta Aturriko herrialdetako Unibertsitatea, Euskal Herriko Unibertsitatea, Nafarroako Unibertsitate Publikoa, eta Deustuko Unibertsitatea.

Artxiboaren helburuak euskarari eta tipologikoki hari hurbil diren hizkuntzei buruzko lanak ikertzaileei zuzenki eta dohainik eskaintzea da. Gainera, ikertzaileen artean ikerlanei buruzko iritzi trukea laguntzen du webguneak, euskarari eta tipologikoki hari hurbil diren hizkuntzen inguruan sare zientifiko baten sorrera eta osatzea erraztuz. Artxibategian bi motatako dokumentuak kontsulta daitezke: oraino ez-argitaratuak (working-papers edo aldizkari baten neurketa zientifikoari emanak diren bertsio aurre-argitaratuak adibidez), eta argitaratuak (kolokio artikulu, aldizkari artikulu, liburu kapitulu, liburu, lan dokumentu, tesi, etab.)


Lotura interesagarriak

Artxiker
http://artxiker.ccsd.cnrs.fr

Inguma, una base de datos de la comunidad científica vasca
Euskalkultura.comen argitaratua, 2005eko urriaren 20an

---

---

Las más leídas

• 17/04/2024
  Protestas en València al eliminar la Generalitat las clases de euskera de las EOI, afectando a 120 alumnos y 4 profesores
• 20/04/2024
  Elecciones Parlamento Vasco 2024: esfuerzos inéditos de los dos principales partidos por atraer el voto de la Diáspora
• 19/04/2024
  La banda bizkaina Gatibu inicia el 29 de abril en Montevideo una gira por escenarios de Uruguay, Argentina y Chile
• 16/04/2024
  Las Euskal Etxeak de Cañuelas y Santiago festejaron Aberri Eguna el pasado fin de semana y la de Las Vegas, el próximo
• 17/04/2024
  Cañuelas: Concierto coral, espectáculo de danzas y una muy animada romería en la celebración de Aberri Eguna

Últimos comentarios