euskalkultura.eus

Noticias

Arrasateko Udalak sexuari buruzko kontsultak erantzuteko webgune bat abiarazi du euskara hutsean

24/01/2005

Arrasateko Sexologia Zerbitzuak kudeatzen du webgunea eta bertan sexuaren inguruko informazioa eskuratu eta kontsultak egin ahal izango dira. Webgunea euskara hutsean dator oraingoz, eta aurrerago gaztelaniazko bertsio bat ere jarriko dute. Honekin bi dira dagoeneko sexologiari buruzko kontsultak hartzen dituzten webgune euskaldunak, aurretik www.gaztesarea.com atariko 'Gozategi' tarteak ere eskaintzen baitzuen halako zerbitzurik.

Arrasateko Sexologia Zerbitzuaren sexologia webgune berriak bost atal ditu. Lehenengoan, 'Non eta Nola' izenburupean, Sexologia Zerbitzuaren bulegoaren helbidea eta ordutegia ematen dute, inork bertako profesionalekin kontsulta aurrez-aurre egin nahi izango balu. Hala ere, Arrasate bertara joaterik ez dutenentzat kontsulta internetez egiteko aukera ere badago, 'Kontsultak' tartean.

'Gozamenez Gozatu' izeneko atalean sexuari buruzko artikulu interesgarriak hasi dira biltzen, eta 'Berriak' izenekoan Sexologia Zerbitzuak martxan jarri dituen ekimen eta ekitaldien nondik norakoak azalduko dira. Azkenik, 'Link-ak'izeneko atalak sexuari buruzko beste webgune batzuetako estekak eskaintzen ditu. Horien artean euskarazko beste sexologia gunearen helbidea agertzen da: gaztesarea.com-eko 'Gozategi' tartea. Hemen ere sexuaren inguruko kontsultak egin daitezke, 'Izarapeko Aholkuak' atalean.


Esteka interesgarriak

Arrasateko Sexologia Zerbitzuaren webgunea
www.sexologiazerbitzua.com

Euskara hutsezko beste sexologia webgune bat
www.gaztesarea.com/gozategi

---

---

Las más leídas

• 17/04/2024
  Protestas en València al eliminar la Generalitat las clases de euskera de las EOI, afectando a 120 alumnos y 4 profesores
• 20/04/2024
  Elecciones Parlamento Vasco 2024: esfuerzos inéditos de los dos principales partidos por atraer el voto de la Diáspora
• 16/04/2024
  Las Euskal Etxeak de Cañuelas y Santiago festejaron Aberri Eguna el pasado fin de semana y la de Las Vegas, el próximo
• 19/04/2024
  La banda bizkaina Gatibu inicia el 29 de abril en Montevideo una gira por escenarios de Uruguay, Argentina y Chile
• 17/04/2024
  Cañuelas: Concierto coral, espectáculo de danzas y una muy animada romería en la celebración de Aberri Eguna

Últimos comentarios