euskalkultura.eus

Noticias

Ordenagailu eta makinek euskarazko ahotsa ezagutu eta sintesia irakurtzeko programa bat garatu dute

22/06/2005

Eusko Jaurlaritzak eskatuta, Belgikako Scansoft enpresak euskarazko ahotsa ezagutzeko eta sintesia egiteko aplikazioa garatu du. Teknologia nahiko aurreratua dago, eta hizkera ulertu, testutik ahotsa sortu, eta elkarrizketak kudeatzeko moduloak (call-center automatizatuentzat) prest daude. Orain, teknologiaren sustapena bultzatu eta ziurtatzeko Jaurlaritzak Aditu izeneko programa prestatu du. Programa hau www.kultura.ejgv.euskadi.net/aditu helbidean kontsulta daiteke.

Teknologia garatu ondoren, euskal gizartearen beharrei erantzunez erabilia izango dela ziurtatzea da Jaurlaritzaren helburua. Horretarako sortu dute Aditu izeneko programa eta webgunea. Honezaz gain, teknologia berria ezagutzera emango dute, eta aplikazioak garatzeko baldintzak bultzatu. Gainera, erakunde publikoei zein pribatuei, aplikazioen beharra azalduko zaie, ezarpen ikerketak sustatuz.

Scansoft enpresa belgiarrak garatutako softwareak bi prozesu burutzen ditu:

-Ahotsa testu bihurtu: ASR edo Automatic Speech Recognition esaten zaio honi, eta alor honetan bi produktu prest daude euskararentzako, sare-zerbitzarietan funtzionatzen duen OSR makina, eta aplikazioetan integratuta joan daitekeen VoCon 3200.

-Testua ahots bihurtu: TTS edo Text-to-Speech esaten zaio honi. Kasu honetan, RealSpeak produktua prest dute. Produktu honek Linux, Windows eta Unix makinen gainean funtzionatzen du.

Teknologia berriaren nondik norakoak ezagutu nahi izanez gero, jo www.kultura.ejgv.euskadi.net/aditu webgunera. Bestela, 012 telefonoaren bidez argibideak jaso daitezke.


Lotura interesgarriak

Aditu programa, aurkezpena eta adibide praktikoak
www.kultura.ejgv.euskadi.net/aditu

---

---

Las más leídas

• 24/10/2025
  Consulta el programa de la Semana Nacional Vasca Argentina 2025, del 26 de octubre al 2 de noviembre en Tandil
• 23/10/2025
  De Chacabuco a Euskal Herria: feliz regreso del séptimo grupo de viajeros, un éxito que suma historias y prestigio
• 22/10/2025
  Avanza el proyecto cinematográfico sobre 'El Vasco de la Carretilla', con dos films y un tributo a Larregui en Navarra
• 23/10/2025
  El teatro vasco en el Festival de Teatro Hispanosalvadoreño con "Ni un día más (Las sirgueras)", de Arantxa Iurre
• 21/10/2025
  Mikel Deuna: Denak Bat de Mar del Plata y Laurak Bat de Buenos Aires celebraron al patrono con danzas y homenajes

Últimos comentarios