euskalkultura.eus

Noticias

Euskararen egoeraren datuak eta azterketak bilduko dituen webgunea aurkeztu du Eusko Jaurlaritzak

28/02/2005

Euskal Herriko Hizkuntza Adierazleen Sistema izena du webgune berriak eta Euskal Herri osoko datuak bilduko ditu, oraingoz EAEkoak soilik badaude ere. Aurkezpenean Miren Azkarate Eusko Jaurlaritzako Kultura sailburuak, Patxi Goenaga Hizkuntz Politikarako sailburuordeak eta Miren Mateo Hizkuntz Politikaren Koordinaziorako zuzendariak webgune hau euskararen egoeraren eta bilakaeraren inguruko datuak eta azterketak biltzeko proiektuaren lehengo lehen fasea dela adierazi zuten.

Euskal Herriko Hizkuntza-Adierazleen Sistemak herriz-herri eta sektoreka euskararen egoerari eta bilakaerari buruzko informazioa eguneratua emango du. Eusko Jaurlaritzak martxan jarri duen webgune berri honen helburua hizkuntz politiken 'eraginkortasuna' balioztatzea da.

Miren Azkarate Kultura sailburuak, Patxi Goenaga Hizkuntz Politikarako sailburuordeak eta Miren Mateo Hizkuntz Politikaren Koordinaziorako zuzendariak proiektuaren lehenengo fasea aurkeztu zuten Donostian. Oraingoz, Euskal Autonomia Erkidegoko (EAE) datuak besterik ez ditu bilduko, baina bigarren fase batean Nafarrora eta Ipar Euskal Herriak ere jasoko ditu. Informazioa gaien edo herrien arabera antolatuta dago, gaikako bost ataletan: testuingurua, baliabideak, legearen garapena, sektore-programak eta emaitzak. Eusko Jaurlaritzak eginiko inkesta soziolinguistikoen datuak edota lan-mundua bezalako sektoreetako inkestak ere aurki daitezke Euskal Herriko Hizkuntza-Adierazleen Sistema webgunean.

---

---

Las más leídas

• 24/10/2025
  Consulta el programa de la Semana Nacional Vasca Argentina 2025, del 26 de octubre al 2 de noviembre en Tandil
• 23/10/2025
  De Chacabuco a Euskal Herria: feliz regreso del séptimo grupo de viajeros, un éxito que suma historias y prestigio
• 22/10/2025
  Avanza el proyecto cinematográfico sobre 'El Vasco de la Carretilla', con dos films y un tributo a Larregui en Navarra
• 23/10/2025
  El teatro vasco en el Festival de Teatro Hispanosalvadoreño con "Ni un día más (Las sirgueras)", de Arantxa Iurre
• 21/10/2025
  Mikel Deuna: Denak Bat de Mar del Plata y Laurak Bat de Buenos Aires celebraron al patrono con danzas y homenajes

Últimos comentarios