euskalkultura.eus

2026/04/28 - San Bruno, Kalifornia, AEB

Jean (Kayet) Sorhouet 1942ko irailaren 24an jaio zen Baxenabarreko Arnegin eta bakean hil da 2026ko apirilaren 28an San Bruno Kalifornian, 83 urte zituela. Aurretik hil ziren bere gurasoak, Antoine eta Marie; eta koinatuak, Jean Louis Etchegoimberry, Antoine Etchegoimberry eta Dominique Sabarots. Hemen uzten ditu 48 urtez ezkonduta egon den Mayie bere emazte maitea; semea, Mark, eta haren emaztea, Natalie; alaba, Nathalie; anaia, Pierre Sorhouet (Monique); arreba, Jeanne Etchegoimberry (Jean Baptiste); arreba, Marie Jeanne Sabarot; koinatua, Bernard Etchegoimberry (Maite); eta koinata, Odile Etchegoimberry; baita iloba, lehengusu eta lagun asko ere.

Kayet lau anaia-arrebetatik zaharrena zen eta Euskal Herrian hazi zen, Arnegi herri txikian, familiaren "Migueltoa" baserrian. Bederatzi urte zituela minbiziak jota galdu zuen ama, eta aitak eta amaren bi anaiek hazi zuten. Gaztaro osoan baserrian lan egin zuen, eta geroago laboraritza eskola batera joan zen ardi-hazkuntzari buruz ikasteko.

1964an, zerbitzu militarra bukatu ondoren, Estatu Batuetara mugitu zen, Cokeville-ra (Wyoming) iritsiz, eta bertan bost urte eta erdiz artzain egin zuen lan. Urte horiek arrasto iraunkorra utzi zioten. Kontratua amaitutakoan, lagun batek San Frantziskora joateko komentzitu zuen lan baten aginduarekin, eta 1970ean iritsi zen, eta lorezaintzan eta paisaia-diseinuan karrera bat osatu zuen, bere lan-bizitza osoa horretan emanik.

1974an sorterrira egindako bisita batean, Mayie ezagutu zuen; lau urte geroago ezkondu ziren, eta Mayie San Frantziskoko Sunset District-en elkartu zitzaion. Elkarrekin bi seme-alaba hazi zituzten: Mark, 1981ean jaioa, eta Nathalie, 1983an. 1994an, familiak hasiera berri bat saiatu zuen, Euskal Herrira, Landibarrera, itzuliz, baina bederatzi hilabete igaro ondoren Kaliforniara berritzuli ziren, San Brunon finkatuz, eta han Kayet isilean hasi zen berriro lanean, bere ibilbideak, negozioa eta bizitza berreraikiz.

Kayetek oso harro sentitzen zuen bere euskaltasuna eta Bay Areako euskal komunitateko kide aktiboa zen. San Frantziskoko Basque Club-Euskal Etxeko, Basque Cultural Center-Gure Euskal Etxeko eta hainbat frantziar klub eta elkartetako kide zen, eta eskuzabaltasunez eskaintzen zuen bere denbora urteroko euskal piknikeko txartelak saltzen, BCC GUre Euskal Etxeko ekitaldietan ardoa zerbitzatzeari eta hainbat batzordetan parte hartzen.

Gehien maite zuen gauzetako bat lagunekin denbora pasatzea eta musean eta 'belotte'an aritzea zen. Asteburu asko bere lagunarte hurbilarekin afaltzen ematen zituen, eta ondoren goizaldera arte irauten zuten karta-jokoetan aritzen. Eta mahaian ez zegoenean, aire zabalean egoten zen. Beti atxiki izan zuen artzain garaitik zetorkion naturarekiko maitasuna; arrantzale eta ehiztari sutsua zen, eta maiz bidaiatzen zuen Paso Robles eta Sierra Nevadara, beti pozik espazio ireki horiek familiarekin eta lagunekin partekatzeaz.

Kayetek 2018ko abendura arte egin zuen lan lorezain, bezero baten etxean lanean ari zela iktusa izan zuen arte. Handik gutxira, Parkinson gaixotasuna diagnostikatu zioten. Gaixotasunaren urteei bere lasaitasun eta indar bereizgarriarekin aurre egin zien, eta zortzi urteko borroka baten ondoren, bakean hil da, bere emazte eta seme-alabez inguratuta.

Familia oso eskertuta dago urteetan zehar bisitatu gaituzten lagun askorekin, gurekin otorduak partekatuz eta Kayetekin kartetan arituz. Haien presentziak garai zail hori eramangarriagoa egin du. Eskerrak eman nahi dizkiegu, halaber, Kaiser Hospice-ri eta hainbeste dedikazioz zaindu duten mediku, erizain eta laguntzaileei.

Beila Duggan Serra Hileta Etxean egingo da, Westlake etorbideko 500. zenbakian, Daly City-n, 2026ko maiatzaren 6an, asteazkena, 17:00etan. Ondoren, 19:00etan, Errosarioa errezatuko da. Hileta-meza San Roberts elizan egingo da, San Brunoko Crystal Springs Rd. 1380an, 2026ko maiatzaren 7an, osteguna, goizeko 10:30ean, eta ondoren Colmako Holy Cross hilerri katolikoan lurperatuko dute.

Loreen ordez, dohaintzak Parkinson Fundazioari, Basque Cultural Center Scholarship Funtsari, San Roberts eliza katolikoari edo aukeratzen duzun ongintzako erakundeari egin daitezke.

Goian Bego. Sarri artio, Kaiet!