Oderitz, Nafarroa. Nafarroako Oderitz herritik gonbite polita luzatu die Juan Gorriti artista plastikoak Euskal Herriko eta munduko neska-mutilei, “margotzea itxialditik ateratzeko”. ‘Atera zure koloreak’ du izena abian jarri duen ekimenak, “garai gris hauek –Koronabirusak eragindako isolamendua– kolorez betetzeko asmoarekin”. Parte hartzea oso erraza da: neska edo mutiko bakoitzak irudi bat egin behar du, gero marrazkiari argazki bat atera eta aterazurekoloreak@gmail.com helbidera bidali.
Euren irudiak bidaltzen dituzten haurren artean, astero bere lan bat zozketatuko du Gorritik; eta are gehiago, irudiaren argazkia bidaltzean, erantzun automatiko bat jasoko dute umeek, eta erantzunean link bat; bertatik jaitsi ahal izateko margolariak egindako beste irudi batzuk, koloreztatzeko.
Ekimena martxoaren 20an jarri zuen martxan Gorritik eta hilabete honetan bostehun bat irudi jaso ditu, toki askotatik, tartean, Argentinatik, Sevillatik eta Euskal Herriko herrialde guztietatik. Animatu eta bidali zuk ere zeure irudia!
['Atera zure koloreak' ekimenean parte hartzeko gonbidea]
Juan Gorritiri buruzko informazio gehiago, hemen.
Lagun bati bidali
Komentarioa gehitu
