San Nicolas, Argentina. ‘Otros Cines’ zinemaldiaren baitan saritu zuten irailaren 20an ‘Cine en la Casona’ Elkarteak eta ‘Juguetes Perdidos’ Kooperatibak Javier Tisera “hiriko kulturaren alde egindako lana eta herriarekin daukan engaiamenduagatik”. Idazle eta kazetaria ez ezik, Euskal Etxeko sukaldarien taldeko bultzatzaile nagusia ere bada Tisera eta bere ardurapean egiten dira ‘Buenos Airesek Euskal Herria ospagai’ Jaialdietan aurkezten diren paella erraldoiak eta baita herriko eskola publikoetako ikasleei hilero eskaintzen zaizkienak ere.
Sariemaileek EuskalKultura.eus-i adierazi diotenez, “Aspalditik egin nahi genion errekonozimendu hau Javierri eta Euskal Etxean egin nahi genion, badakigulako zer nolako garrantzia duen Euskal Erakundeak bere historian eta identitatean”.
Saria jaso orduko buru belarri jarraitu zuen Tiserak ohi duen bidea, eta irailaren 25ean bazkaria prestatu baitzuen, Euskal Etxeko beste sukaldariekin batera, hiriko 3. Zenbakiko Presondegiko Gizarte Komunikazioko ikasleentzat. Joan den astean ere, anfitrioi izan zen ‘Nazio Irakurketa Maratoia’ ekitaldiaren barruan hiriko ikasleak Euskal Etxea bisitatu zutenean.
Lagun bati bidali
Komentarioa gehitu
