Saladillo, Argentina. ‘Paisanos… de otras tierras’ izenburupean, musika eta dantza ikuskizunak etorkinen dantza eta musikarekiko harremana nahi zuen erakutsi: “Immigranteek gustuko dute abestea eta dantzatzea; hala zen euren jaioterrietan, eta baita itsasontzietan eta herrialde berrietan ere” zioen gonbiteak. Emanaldia ekainaren 29an izan zen, Marconi Antzokian, eta Itxaropen Euskal Etxeko dantzariek, Micaela Gaggiotti zuzendari, polka pik eta jauzi bat taularatu zuten, hiriko alkate Jose Luis Salomon ikusleen artean.
[Euskal Dantzak Saladilloko Marconi Antzokian]
Bestalde, Itxaropen-etik, Silvina Bordenave lehendakari ohi eta eledunak jakinarazi digu ekaineko azken asteburuan Alberto "Beto" Aguirreren omeneko Mus Txapelketaren finalak jokatu zituztela. Aguirre Euskal Etxeko lehendakari eta Erakundearen sortzaileetako bat izan zen eta iazko abenduan zendu zen.
Santiago Santamarina eta Hector Altamira gertatu ziren norgehiagokako txapeldun. Herri mailako txapelketa irabazita, Nazionalerako txartela lortu zuten, Macachinera. Nazioarteko Mus Txapelketan parte hatzeko leku baten bila. Sari-emanaldian, Aguirreren alarguna eta alabetako bat egon ziren.
Lagun bati bidali
Komentarioa gehitu
