Mallorca, Espainia. Kanporatu zure talentu eta umore ona. Mallorcako Artea Euskal Etxeak lehiaketa bat antolatu du, testu laburrak, poemak, kantuak, bideoak, txisteak... euskaldunen etxealdia eta Covit-19 gai hartuta. Lehiaketak euskaraz, katalanez eta gaztelaniaz onartuko ditu lanak eta Mallorcan etxealdia bukatzearekin amaituko da lanak aurkezteko epea. Ekimenak euskaldunen arteko komunikazioa eta umore ona mantzentzea dauka helburu.
Parte hartzen duten guztiek bono bat jasoko dute opari, baliagarria Euskal Etxean kontsumizio eta pintxo bat hartzeko, datarik gabe, komeni zaienean gauzatzekoa. Bestela, genero bakoitzak, hala nola, testu laburrek, poesiak, kantuek, txisteek eta sor daitezkeen gainerakoek sari nagusi bana izango dute: "bono bat gure inguruko euskal jatetxeetako batean 30 euro arteko bazkari/afaria egiteko", "eta prezio horretan otordu jator askoa egin dezakete hemen", aitortu dio EuskalKultura.eus-i euskal etxeko eledun Aingeru Merlok.
Lanak whatsapp bidez bidal daitezke (+34) 654 711 123 zenbakira. Edozein zalantza izanez gero, aingeluis@gmail.com helbide bidera daitezke.
Are! Zergatik ez?
Hona iristen hasi direnetako bi lan: lau urteko haur baten marrazkia eta txiste bat:
Lagun bati bidali
Komentarioa gehitu
