Ixelles, Belgika. 60 urte bete dira Belgikako Ixelles (Elsene neerlanderaz) eta Euskal Herriko Biarritze hiriak ahaidetu zirenetik, eta datorren ostiralean, uztailaren 12an, festa eta elkarretaratze berezi bat eginik ospatuko dute Elsene-ko Place Flagey-n. Besteak beste, sokatira eta euskal indar-joko/herri-kirolak egingo dituzte, Ezpeletako Ñapurrak elkartearen eskutik, eta euskal giroko hitzordua iragarri dute egun osorako, euskal kantu eta musika ere tartean, horretarako bost kantari eta Jean-Louis Bergara soinujotzailea propio bidaiatuko direlarik, bazterrak alegeratzeko, Euskal Herritik.
11:00etatik 13:00etara, sokatira txapelketa (6-8 pertsonako taldeak, izena emateko aukera dago); 13:00etatik 18:00etara, euskal kirol saio erakustaldia.
Xehetasun gehiago, 02 515 69 38 telefonoan edo jumelage@ixelles.brussels helbidean.
Lagun bati bidali
Komentarioa gehitu
