euskalkultura.eus

euskal diaspora eta kultura

Albisteak rss

Caracasko Eusko Etxeak bideratu du adineko helduentzako Eguneko Zentroaren proiektua; aurre-izenematea zabalik

2020/06/23

Caracaseko Eusko Etxeak adineko helduentzako Eguneko Zentroa irekiko du
Caracaseko Eusko Etxeak adineko helduentzako Eguneko Zentroa irekiko du

PUBLIZITATEA

Caracas, Venezuela. Venezuelako hiriburuko Eusko Etxea urrats sendoak ari da ematen bertako euskal komunitatea laguntzeko programak martxan jartzen. Horregatik eta poz handiz zabaldu nahi izan dute azken berria: 65 urtetik gorako –edo menpekotasun-egoeran dauden– lagunentzako Eguneko Zentroa bideratuta dago. “Zentroa astean bitan zabalduko dugu, Eusko Etxearen El Paraisoko egoitzan”, azaldu du euskal etxe caracastarreko lehendakari Ibane Azpiritxagak.

Zentroko onuradunek hiru otordu osasuntsu eta orekatu jasoko dituzte, ekintza desberdinak egingo dituzte mediku kalifikatuen ardurapean eta egoitzara iristeko garraioa izango dute. Eta nahiz eta proiektua oraindik onarpen aurreko ebaluazio prozesuan egon, interesatuek eman dezakete dagoeneko izena cvascoccs@gmail.com helbidean.

“Euskal Etxekook lan handia ari gara egiten proiektua burutu ahal izateko eta ez diogu abiatzeko oztoporik ikusten. Gure helduen alde egin dezakegun gutxienekoa da, erretiro ona bizi dezaten, ongi merezi dute eta”, baitetsi du Caracaseko Eusko Etxeko lehendakariak.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia